17.02.2026 | 17:21
ՌԴ-ում ռազմական պարետատան շենքում պայթյուն է տեղի ունեցել. զոհեր կան
Հայաստանի պետական պարտքը հուլիսին աճել է 2,8 %-ով
Տնտեսություն
20.08.2020 | 15:06
2020 թվականի հուլիսին Հայաստանի պետական պարտքը կազմել է 7 մլրդ 939.5 հազար դոլար։ Նախորդ ամսվա 7 մլրդ 718.8հազար դոլարի համեմատ աճը կազմել է 220․7 մլն դոլար կամ 2,8 %: Այս մասին Factor.am-ը տեղեկանում է Ֆինանսների նախարարության հրապարակած տվյալներից։
Համեմատելով հունիս և հուլիս ամիսների արտաքին և ներքին պարտքի տվյալները՝ տեսնում ենք, որ պետական պարտքի ավելացումը մեծապես տեղի է ունեցել ներքին պարտքի ավելացման հաշվին։
Այսպես․ Հայաստանի արտաքին պարտքը հուլիսին կազմել է 6,055.2 մլրդ դոլար նախորդ ամսվա 5,981.6 մլրդ դոլարի փոխարեն։ 1 ամսում աճը կազմել է 70,1 մլն դոլար կամ 1,2 %: Իսկ ՀՀ ներքին պարտքը հուլիսին կազմել է 1,884.3 մլրդ դոլար՝ նախորդ ամսվա 1,737.2 մլրդ դոլարի փոխարեն՝ ավելանալով 147 մլն դոլարով կամ 8,4 %-ով։
Ներքին պարտքի գերակշիռ մասը ռեզիդենտների կողմից ձեռք բերված պետական գանձապետական պարտատոմսերն են։ Հուլիսին այն կազմել է 1,742.3 մլրդ դոլար։ Հունիսին այդ թիվը եղել է 1,595.2 մլրդ դոլար։ Այսինքն՝ 1 ամսում աճը կազմել է 9,2 %:
Նշենք, որ նախորդ տարվա վերջին՝ դեկտեմբերի 31-ի տվյալներով պետական պարտքը կազմել է 7,321.3 մլրդ դոլար։ Այսինքն՝ տարեսկզբի համեմատ պետական պարտքն ավելացել է 618 մլն դոլարով կամ 8.4%-ով։
