09.10.2026 | 10:52
Սիսիանում 6-ամյա երեխային ապտակելու կասկածանքով ձերբակալվել է դասապատրաստող ուսուցչուհին
Նախկին հանցավոր ռեժիմը ռևանշի փորձ է անում. Դավիթ Սանասարյան․ ՏԵՍԱՆՅՈՒԹ
Քաղաքականություն
10.08.2020 | 13:49
«Նախորդ՝ մերժված իշխանությունը ռևանշի է գնում: Մերժված Սերժ Սարգսյանն ակտիվացել է: Ես իրենց գործելաոճը միշտ բնութագրել եմ որպես ոհմակային»,- խոսելով երկրի ներքաղաքական վիճակից՝ ասաց Պետական վերահսկողական ծառայության լիազորությունները դադարեցրած պետ Դավիթ Սանասարյանը:
«Տեսնում են, որ երկրում խնդիր կա՝ համաճարակ, որը կարող է ցանկացածին սպառնալ: Օգտվում են թույլ վիճակից, որովհետև համաճարակի պայմաններում շատ խնդիրներ կան, և կեղծ լուրեր են տարածում՝ ձգտելով մարդկանց շրջանում հիասթափություն առաջացնել»,- համոզմունք հայտնեց Դավիթ Սանասարյանը:
Նրա բնորոշմամբ՝ իշխանության խնդիրը պետք է լինի գործել այնպես, որ բամբասանքներն ու քարոզչամիջոցները նշանակություն չունենան:
«Իշխանությունն ավելի շատ պետք է աշխատի այս ուղղությամբ: Նախորդ հանցագործ ռեժիմը, որին ժողովուրդը մերժել է, փորձում է վերադառնալ: Վստահ եմ, որ ժողովուրդը չի մոռացել նրանց արածները, թե ինչպես են հարստացել, ինչպես են Մարտի 1 սարքել, ինչ սկանդալային գործերի հետևում են կանգնած»,- եզրափակեց նա:
Մանրամասները՝ տեսանյութում:
