18.05.2026 | 12:46
Նիկոլ Փաշինյանի ճեպազրույցը․ ՈՒՂԻՂ
Անհասկանալի է նախագահի մոտեցումը, որ երկրորդ անգամ առաջադրում է նույն մարդուն. Նիկոլայ Բաղդասարյան․ ՏԵՍԱՆՅՈՒԹ
Քաղաքականություն
05.08.2020 | 15:28
Այն, որ շահերի բախում կարող է լինել կոնկրետ գործերով և դրանք վտանգի տակ դրվեն, սա քննարկելի հարց է։ Սա քննարկելի հարց է յուրաքանչյուր պատգամավորի համար, որպեսզի մենք ընկալենք՝ արդյո՞ք ընտրում ենք ՍԴ դատավոր՝ մոտակա տեսլականում հասկանալով, որ ինքը մի շարք գործերի քննությանը չի կարող մասնակցել և դա խոչընդոտ կհանդիսանա մնացած գործերի համար։ Այս մասին այսօր «Իմ քայլը» խմբակցության՝ շուրջ երեք ժամ տևած նիստից հետո ասաց խմբակցության պատգամավոր Նիկոլայ Բաղդասարյանը՝ խոսելով կառավարության կողմից ներկայացված ՍԴ դատավորի թեկնածու Վահրամ Ավետիսյանի մասին։
Հիշեցնենք, որ Վահրամ Ավետիսյանի առաջադրումից ի վեր հիշատակվում է նրա հոր անունը, որը ժամանակին եղել է դատավոր և Մարտի 1-ին առնչվող մի շարք գործերով կայացրել որոշումներ, որոնց մի մասը բեկանվել է վերջին շրջանում։
Ինչ վերաբերում է նախագահ Արմեն Սարգսյանի կողմից արդեն երկրորդ անգամ նույն անձի՝ Արթուր Վաղարշյանի թեկնածության առաջադրմանը՝ Բաղդասարյանն ասաց․ «Այստեղ մոտեցման խնդիր է։ Երբ ԱԺ-ն որոշում է կայացնում, որոշակի սկզբունքների հիման վրա է դա անում։ Եթե ես մի կերպ քվեարկել եմ, ապա նույն ձևով կքվեարկեմ կրկին։ Մի քիչ անհասկանալի է նախագահի մոտեցումը, որ երկրորդ անգամ առաջադրում է նույն մարդուն՝ հասկանալով, որ նրան ընտրողը նույնն է և իր որոշումն արդեն կայացրել է»։
Մանրամասները՝ տեսանյութում։
Մերի Մարտիրոսյան
