17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Արա Մխիթարյանին տեղափոխել են հիվանդասենյակ, բայց դրական տեղաշարժ չկա. փոխգնդապետի հայր
Հասարակություն
01.08.2020 | 18:18
Եղեգնաձորում 10 ամիս առաջ դաժան ծեծի հետևանքով կոմայի մեջ գտնվող փոխգնդապետ Արա Մխիթարյանին վերակենդանացման բաժանմունքից տեղափոխել են հիվանդասենյակ: Այս մասին Factor.am-ի հետ զրույցում ասաց փոխգնդապետի հայրը՝ Սամվել Մխիթարյանը։
«Տեղափոխել են պալատ, բայց ոչ մի դրական տեղաշարժ չկա»,- տեղեկացրեց նա:
Հիշեցնենք, որ Վայոց Ձորի մարզի Եղեգնաձոր քաղաքում սեպտեմբերի 18-ի գիշերը ՊՆ փոխգնդապետ Արա Մխիթարյանը ծեծի էր ենթարկվել: Հարուցված քրեական գործի շրջանակում կալանավորվել էր նախկին մարզպետ Տրդատ Սարգսյանի օգնականը և նրա եղբայրը՝ Հարություն Գրիգորյանը:
Գործի շրջանակում շոշափվում է նաև նախկին մարզպետ, այժմ ՔՊ աշխատակազմի ղեկավար Տրդատ Սարգսյանի անունը։ Վերջինը հերքում է իր մասնակցությունը միջադեպին։
Հավելենք, որ շուտով լրանում է մեկ տարին, ինչ Արա Մխիթարյանը կոմայի մեջ է։
