17.12.2025 | 19:29
«Սևան ստարտափ սամմիթ»-ի հիմնադիրը ՀՀ նախագահին է ներկայացրել նոր սմարթ քաղաքի կառուցման հայեցակարգի վերաբերյալ իր տեսլականը
Հայտնի է ՍԴ դատավորի ևս երկու թեկնածուի անուն
Քաղաքականություն
30.07.2020 | 20:39
Սահմանադրական դատարանի դատավորի թափուր տեղի համար Դատավորների ընդհանուր ժողովին ներկայում իր թեկնածությունն է առաջադրել երկու դատավոր: Factor.am-ի հետ զրույցում այս մասին ասաց Դատական դեպարտամենտի մամուլի և հասարակայնության հետ կապերի ծառայության պետ Արման Խաչատրյանը:
ՍԴ դատավորի թափուր տեղի համար թեկնածությունն առաջադրելու մասին դիմումներից մեկը ստացել են Վճռաբեկ դատարանի նախագահ Երվանդ Խունդկարյանից:
Մյուսը դիմումը ստացվել է Տավուշի մարզի առաջին ատյանի ընդհանուր իրավասության դատարանի նախագահ Արման Կուրեխյանից։
Հուլիսի 31-ին տեղի կունենա Դատավորների ընդհանուր ժողովը, որտեղ էլ կընտրվի կառույցի թեկնածուն։
ՍԴ երեք դատավորների թափուր տեղի համար իրենց թեկնածուներին առաջադրելու են կառավարությունը, ՀՀ նախագահը և Դատավորների ընդհանուր ժողովը: Կառավարությունն արդեն իսկ առաջադրել է իր թեկնածուին՝ իրավաբանական գիտությունների դոկտոր, պրոֆեսոր Վահրամ Ավետիսյանին:
Նարեկ Կիրակոսյան
