Քաղաքականություն
27.07.2020 | 15:00ԱԺ «Իմ քայլը» խմբակցությունն առաջիկայում հանդիպում է կազմակերպելու Կառավարության ներկայացրած՝ Սահմանադրական դատարանի անդամի թեկնածուի հետ։ Այս մասին այսօր կազմակերպված ասուլիսի ժամանակ տեղեկացրեց ԱԺ «Իմ քայլը» խմբակցության ղեկավար Լիլիթ Մակունցը։
«Ես կարծում եմ՝ այդ հանդիպումը կլինի այս շաբաթ, մինչև շաբաթվա վերջ կփորձենք կազմակերպել։ Այն օրը, որ կնշանակվի ԱԺ նիստը, բոլոր պատգամավորները կուղղեն իրենց հարցերը, և մենք հնարավորություն կունենանք լսելու։ Հաշվի առնելով հարցի զգայունությունն այն առումով, որ Մարտի 1-ի զոհերի իրավահաջորդներն են որոշակի դիրքորոշում հայտնել և հասկանալի է, որ հարցը շատ զգայուն է, թույլ տվեք այդ առումով որևէ մեկնաբանություն չանել, որովհետև, ամեն դեպքում, խոսքը գնում է մի մարդու մասին, ով անմիջական որևէ կապ չի ունեցել որևէ դատավճռի կամ Մարտի 1-ի գործի քննության հետ»,- մասնավորապես նշեց Մակունցը։
Մանրամասները՝ տեսանյութում։
