08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Գյումրիի երկնքում ռուսական ռազմաբազայի ուղղաթիռներն ու ինքնաթիռները ուսումնական թռիչքներ են իրականացնում
Քաղաքականություն
15.07.2020 | 13:48
Այսօր առավոտից Գյումրիի երկնքում աշխուժություն է տիրում։ Ռուսական 102-րդ ռազմաբազայի ուղղաթիռներն ու ինքնաթիռներն մանևրում են, ինչը որոշակի անհանգստություն է առաջացրել բնակիչների շրջանում։
Համացանցում հայտնված տեղեկությունների համաձայն՝ ռուսական ուղղաթիռները պարեկային ծառայություն են իրականացնում հայ-թուրքական սահմանին, ինչը, ըստ նույն հրապարակումների, կապված է հայ-ադրբեջանական սահմանին լարվածության ֆոնին Թուրքիայի հայտարարությունների հետ։
ՀՀ ՊՆ խոսնակ Շուշան Ստեփանյանը, սակայն, Factor.am-ի հետ զրույցում նշեց, որ ռուսական ուղղաթիռները ուսումնամարզական թռիչքներ են իրականացնում։ Նա նաև հավելեց, որ անհանգստանալու կարիք չկա։
Հարավային ռազմական օկրուգի մամուլի ծառայությունից էլ հայտնել են, որ լայնամասշտաբ զորավարժություններ են անցկացվում Հարավային ռազմական օկրուգի ստորաբաժանումներում․ շաբաթվա սկզբից վարժանքներ են Ռոստովի ու Վոլգոգրադի շրջանում, Հյուսիսային Օսիայում ու Աբխազիայում։
Զորավարժություններում ներգրավված է նաև Հայաստանում տեղակայված ռուսական 102-րդ ռազմաբազան, որը Հարավային ռազմական օկրուգի կազմում է։ Վարժանքներում ներգրավված են զրահատանկային, հրթիռահրետանային ստորաբաժանումները, ավիացիան և այլն։
Էմմա Չոբանյան
