12.10.2026 | 22:23
ՆԱՏՕ-ի գլխավոր հրամանատարը ներկայացրել է ՌԴ-ի հնարավոր հարձակման դեպքում ծրագիրը՝ Կալինինգրադին ու Պետերբուրգին հարվածներով
Անհավատալի քամբեք, խենթագույն եզրափակիչ․ Նոան հաղթեց Արարատ-Արմենիային ու նվաճեց Հայաստանի գավաթը
10.07.2020 | 22:00
Vbet Հայաստանի ֆուտբոլի գավաթի խաղարկության եզրափակիչում միմյանց դեմ մրցում են «Նոան» և «Արարատ-Արմենիան». գրում է armsport-ը:
Հայաստանի գավաթի խաղարկության ամենաարդյունավետ ու ամենաանհավանական եզրափակիչն անցավ առանց հանդիսականների։
Հանդիպման հաշիվը 9-րդ րոպեին բացեց Ուգոչուկվու Լուիս Օգանան։ 24-րդ րոպեին Ալան Տատաևը խաղընկերոջից եկած անդրադարձից հետո գրավեց սեփական դարպասը։ 29-րդ րոպեին հաշիվը խոշոր դարձրեց Յուսուֆ Օտուբանջոն։
39-րդ րոպեին Մաքսիմ Մայրովիչը կրճատեց հաշվի տարբերությունը, սակայն երկու րոպե անց Լուիս Օգանան դուբլ գրանցեց։ Առաջին կեսից հետո «Արարատ-Արմենիան» հաղթում էր 4-1 հաշվով ու թվում էր ամեն ինչ ավարտված է այս խաղում։
Սակայն 2-րդ կեսում ամեն ինչ գլխիվայր շուռ եկավ։ 56-րդ րոպեին Վլադիմիր Ազարովը կրճատեց հաշվի տարբերությունը։ 60-րդ րոպեին Միխայիլ Կովալենկոն հաշիվը դարձրեց 3-4։ 67-րդ րոպեին Դանու Սպատարուն հաշիվը հավասարեցրեց՝ 4-4։ Խաղը տեղափոխվեց լրացուցիչ ժամանակ։
114-րդ րոպեին Վլադիմիր Ազարովը «Նոայի» 5-րդ գոլը խփեց ու երբ թվում էր, թե ամեն ինչ ավարտված է «Արարատ-Արմենիան» նույնպես խփեց 5-րդ գոլը։ Լրացուցիչ ժամանակն ավարտվեց 5-5 հաշվով։
