Կիբերհանցագործությունների ո՞ր տեսակներն են տարածված Հայաստանում․ ովքե՞ր են թիրախում. ՏԵՍԱՆՅՈՒԹ

Հայաստանում հիմնական հանդիպող կիբերհանցագործությունները համակարգչային խարդախությունների հետ են կապված, երբ հանցավորը, մոլորության մեջ գցելով քաղաքացիներին, խաբեությամբ կարողանում է ստանալ անձնագրային, բանկային քարտերի տվյալներ։ Այս մասին այսօր ասուլիսի ժամանակ հայտնեց ՀՀ քննչական կոմիտեի հատկապես կարևոր գործերի քննության գլխավոր վարչության կիբերհանցագործությունների և բարձր տեխնոլոգիաների ոլորտում կատարված հանցագործությունների քննության վարչություն ՀԿԳ ավագ քննիչ Սասուն Գրիգորյանը։

«Որոշ դեպքերում որևէ ծառայության դիմաց, որով հետաքրքրված են քաղացիները, իր կողմից նախապես տրամադրված որևէ հաշվեհամարի ստանում են իր կողմից նախապես պահանջված գումարը ու հափշտակում։ Հանդիպում են նաև այլ դեպքեր՝ կապված անձնական հաշիվների ապօրինի տիրանալու, մարդկանց անձնական տվյալները պահելու կամ հանցավոր ճանապարհով ստանալու ու այն հետագայում օգտագործելու միջոցով։ Քննիչի խոսքով՝ դեռևս չկան տվյալներ կիբերհանցագործությունների աճի վրա համավարակի ազդեցության վերաբերյալ, սակայն հանցագործությունների թիվն աճել է:

«Մարդիկ քչացրել են իրենց ֆիզիկական շփումները այլ անձանց հետ և առավել հաճախ են օգտվում համացանցի ծառայություններից, հաճախակի են միմյանց հետ շփվում համացանցով, ուստի մեծանում է նաև ռիսկերը կիբերհանցագործության զոհ դառնալու համար։ Կիբերհանցագործներն էլ իրենց հերթով կենտրոնացնում են իրենց ուժերը, որպեսզի կարողանան օգտվել այս իրավիճակից»,- նշեց Գրիգորյանը։

Վերջինս ընդգծեց, որ կիբերհանցագործների կողմից թիրախավորվում են հիմնականում այն անձինք, որոնք ունեն ֆինանսական, սոցիալական խնդիրներ և գումար ստանալու համար փորձում են դիմել հեշտ միջոցների։

Մանրամասները՝ տեսանյութում։