10.08.2026 | 20:08
Սահմանվել են էլեկտրոնային փողի թողարկման և օգտագործման կարգավորման նոր հնարավորություններ
Մենք՝ դատավորներս, փորձում ենք հանրային ճնշումներից կամ աջակցությունից զերծ մնալ․ Պապոյան
Հասարակություն
09.07.2020 | 15:32
«Ես չեմ կարծում, որ ԲԴԽ-ի՝ ՀՀ վերաքննիչ քրեական դատարանի դատավոր Ալեքսանդր Ազարյանի վերաբերյալ որոշումը հանրային քննարկումների արդյունքն էր»,- այս մասին այսօր ԲԴԽ-ի բակում լրագրողների հետ զրույցում ասաց ՀՀ վերաքննիչ քրեական դատարանի դատավոր Մխիթար Պապոյանը։
Հարցին՝ արդյոք ԲԴԽ-ի այս որոշմամբ պայմանավորված դատավորներն ավելի անկաշկանդ կլինե՞ն, դատավորն ասաց. «Ցանկացած նմանատիպ որոշման բովանդակությունից է կախված։ Այս պահին ինչպես դուք, այնպես էլ ես չգիտեմ»։
Լրագրողը հիշեցրեց, որ իրավաբանական համայնքը տևական ժամանակ սոցցանցերում ֆլեշմոբ էր իրականացնում՝ հաջակցություն դատավոր Ազարյանի, և հարցին՝ արդյոք այդ գործողություններն իրենց ազդեցությունն ունեցե՞լ են ԲԴԽ որոշման համար, Պապոյանն ասաց. «Գիտեք, ես բացառում եմ, ցանկացած հանրային քննարկում որևէ ազդեցություն դատավորի նկատմամբ չի ունենում։ Ես չեմ կարծում, որ այդ որոշումը դրա արդյունքն էր»։
Դիտարկմանը, թե արդյոք ԲԴԽ-ն ապահովում է դատավորների անկաշկանդ լինելը, Մխիթար Պապոյանն ասաց. «Որոշ դեպքերում համակարծիք եմ այն կարծիքին, որ անում է ամեն ինչ, որոշ դեպքերում էլ միգուցե թերացել է, սակայն այս պահին ես չեմ կարող ասել՝ որ դեպքում են գտել լավ կամ վատ… շատ բարդ աշխատանք է իրենից ներկայացնում»:
Մանրամասները՝ տեսանյութում։
