03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Միջադեպ, թե՞ դիվերսիա. հրդեհ Իրանի միջուկային կենտրոնում. Euronews
Քաղաքականություն
03.07.2020 | 11:24
Հինգշաբթի առավոտյան Իրանի Նաթանզ քաղաքում գտնվող միջուկային կառույցում հրդեհ է բռնկվել, հայտնում է Euronews-ը:
Ըստ աղբյուրի՝ միջադեպի արդյունքում փլուզվել են կառույցի վերգետնյա հատվածները: Իրանի Ատոմային էներգիայի գործակալության պաշտոնական ներկայացուցիչ Բեհրուզ Քամալվանդին տեղական ԶԼՄ-ներին փոխանցել է, որ միջադեպի հետևանքով վնասվել է շինության մի մասը, բայց ոչ ոք չի տուժել:
«Ռադիոակտիվ ֆոնի բարձրացում չի արձանագրվել, քանի որ սենյակներում ռադիոակտիվ նյութեր չկային: Իսկ նրանք, ովքեր հակառակն են պնդում, պարզապես կեղծ լուրեր են տարածում»,- ասել է նա:
Ավելի վաղ ամերիկյան ԶԼՄ-ները հրապարակել էին Միջին Արևելքի հետախուզության մի անանուն աշխատակցի տարածած հաղորդագրություն, որը պնդում էր, որ հրդեհը դիվերսիայի արդյունք է, քանի որ այս խստորեն վերահսկվող օբյեկտի տարածքում պայթուցիկ սարք է տեղադրվել։
