Քաղաքականություն
02.07.2020 | 19:13
Նախագահական ժամկետների զրոյացումը թույլ կտա Վլադիմիր Պուտինին ևս երկու անգամ ընտրվել Ռուսաստանի նախագահ և պաշտոնավարել մինչև 2036 թ-ը։ DW-ի ռուսական ծառայությունն՝ անդրադառնալով թեմային, ներկայացրել է, թե էլ որ երկրներում է կիրառվել ժամկետների զրոյացման հնարքը։
Աղբյուրը հիշեցնում է, որ այս նույն հնարքին բոլորովին վերջերս դիմել է Եգիպտոսի նախագահ Աբդել Ֆաթթահ Ալ-Սիսին: 2019 թվականին Եգիպտոսում անցկացվեց սահմանադրական հանրաքվե, որի արդյունքում Ալ-Սիսինի նախագահության ժամկետը չորսից դարձավ վեց տարի՝ միաժամանակ զրոյացնելով նրա նախորդ ժամկետը՝ 2014-ից մինչև 2018 թ-ը: Այսպիսով, և՛ Ալ-Սիսին, և՛ Պուտինը կարող են 2024 թ-ին նորից նախագահի թեկնածու առաջադրվել:
Ստորև ներկայացված են այն երկրները, որտեղ զրոյացվել են նախագահական ժամկետները.
1996 թ-ին Բելառուսիայում` Ալեքսանդր Լուկաշենկոյի օրոք
1996 թ-ին Պերուում ՝ Ալբերտո Ֆուխիմորիի օրոք
1998 թ-ին Ղրղզստանում՝ Ասկար Ակաևի օրոք
1999 թ-ին Վենեսուելայում՝ Ուգո Չավեսի օրոք
2000 թ-ին Ղազախստանում՝ Նուրսուլթան Նազարբաևի օրոք
2003 թ-ին Տաջիկստանում՝ Էմոմալի Ռահմոնի օրոք
2005 թ-ին Բուրկինա Ֆասոյում՝ Բլեզ Կոմպաորեի օրոք
2007 թ-ին Ուզբեկստանում՝ Իսլամ Քարիմովի օրոք
2012 թ-ին Սենեգալում՝Աբդուլա Վադի օրոք
2013 թ-ին Բոլիվիայում՝ Էվո Մորալեսի օրոք
2015 թ-ին Բուրունդիում՝ Պիեռ Նկուրունզիզա օրոք
2019 թ-ին Եգիպտոսում՝ Աբդել Ֆաթթահ Ալ-Սիսիի օրոք
2020 թ-ին Ռուսաստանում՝ Վլադիմիր Պուտինի օրոք
