08.11.2024 | 21:44
ԵՄ-ն կշարունակի Ուկրաինայի զինված ուժերի վարժական առաքելությունը
Իրանի իշխանություններն Ինտերպոլից պահանջել են բռնել Թրամփին գեներալ Սոլեյմանիի սպանության համար
Քաղաքականություն
29.06.2020 | 18:15
Իրանի դատական իշխանություններն Ինտերպոլից պահանջել են միջազգային հետախուզում հայտարարել ԱՄՆ նախագահ Դոնալդ Թրամփի նկատմամբ՝ Իսպծլամական հեղափոխության պահապանների կորպուսի գեներալ Ղասեմ Սոլեյմանիի սպանության համար։ Այս մասին գրում է ՌԻԱ Նովոստին՝ վկայակոչելով Mehr-ը։
«Հաջողվել է նույնականացնել 36 անձի, որոնք մասնակցել են Ղասեմ Սոլեյմանիի սպանության նախապատրաստմանը և իրականցմանը։ Նրանց թվում ԱՄՆ-ի և այլ երկրների քաղաքական և ռազմական գործիչներ կան»,- ասել է Թեհրանի դատախազ Ալի Մեհրը։
Նրա խոսքով՝ դատական մարմինները որոշում են կայացրել պատասխանատվության ենթարկել նրանց և Ինտերպոլի միջոցով «կարմիր կարգավիճակ» հայտարարել, ինչը նշանակում է, որ իրավապահներն ամբողջ աշխարհում պետք է նպաստեն կասկածյալի որոնմանն ու ձերբակալմանը։
Դատախազը հայտարարել է, որ այդ անձինք մեղադրվում են «սպանության և ահաբեկչության» մեջ՝ հավելելով․ «Ցանկը գլխավորում է ԱՄՆ նախագահ Դոնալդ Թրամփը»։
Հիշեցնենք, որ ԱՄՆ-ն Սոլեյմանիի սպանության գործողությունն իրականացրել է հունվարի 3-ին Բաղդադում։ Ի պատասխան՝ Իրանը հրթիռային հարվածներ է հասցրել Իրաքում ամերիկյան զինծառայողների տեղակայման բազայում։
