08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ԱԱԾ աշխատակիցները Գագիկ Ծառուկյանին տարան Ազգային ժողովի բակից. ԼՈՒՍԱՆԿԱՐՆԵՐ
Հասարակություն
16.06.2020 | 13:27
Քիչ առաջ ԱԱԾ աշխատակիցներն Ազգային ժողովի բակից տարան ԱԺ «Բարգավաճ Հայաստան» խմբակցության ղեկավար Գագիկ Ծառուկյանին։
Ավելի վաղ նա դուրս էր եկել ԱԺ նիստերի դահլիճից` հայտարարելով, որ ինքը գնում է ԱԱԾ` հարցաքննության:
ԱԺ բակում Ծառուկյանին մոտեցան ԱԱԾ աշխատակիցները և տեղեկացրին, որ նա պետք է իրենց հետ գա: Այդ ընթացքում ԱԺ անվտանգության աշխատակիցները փակել էին ԱԺ մուտքերը և լրագրողներին էլ հնարավորություն չտրվեց մոտենալու և նկարելու:
Նշենք, որ այսօր խորհրդարանը քննարկում է ԲՀԿ ղեկավար Գագիկ Ծառուկյանին անձեռնմխելիությունից զրկելու և նրա նկատմամբ քրեական հետապնդում սկսելու վերաբերյալ հարցը։ Այդ հարցով ԱԺ-ում է գլխավոր դատախազ Արթուր Դավթյանը, որը ներկայացնում է համապատասխան միջնորդությունը։
