24.02.2026 | 11:49
Թբիլիսի-Երևան մարդատար գնացքով փորձել են ներկրել մաքսային հսկողությունից թաքցված 45.5 կգ դեղորայք․ ՊԵԿ
Քայլում ենք դժոխքի միջով, կորոնավիրուսով հիվանդը մահացել է բուժօգնության ուշացումից․ Նիկոլ Փաշինյան․ ՏԵՍԱՆՅՈՒԹ
06.06.2020 | 19:15
Պարտավոր եմ ձեզ ասել ճշմարտությունը կորոնավիրուսի մասին, որքան էլ որ այն դաժան հնչի։ Հիմա դառնությամբ եմ ասում, որ այսօրվա դրությամբ՝ հանրապետությունում 200 կորոնավիրուսով հիվանդ կա, ով սպասում է հոսպիտալիզացիայի իր հերթին։ Պարետատան նիստից հետո տեղի ունեցած ճեպազրույցում ասաց ՀՀ վարչապետ Նիկոլ Փաշինյանը։
«Այսօր առողջապահության համակարգն այնքան ծանրաբեռնված է աշխատում, որ հիվանդներին չենք հասցնում տեղավորել հիվանդանոցներում»,- նշեց նա։
Վարչապետի խոսքով՝ արդեն կա դեպք, որ բժշկական օգնության ուշացման պատճառով մարդ է մահացել կորոնավիրուսից։
«Երկու մահվան դեպք ենք ունեցել, երբ պացիենտը պետք է լիներ վերակենդանացման բաժանմունքում, բայց գտնվել է ընդհանուր բաժանմունքում, քանի որ տեղ չկար վերակենդանացման բաժանմունքում։ Այսօր քայլում ենք դժոխքի միջով, բայց պետք է այն հաղթահարենք»,- ասաց Նիկոլ Փաշինյանը։
Մանրամասները՝ տեսանյութում։
