11.06.2026 | 11:22
Իկեր Կասիլյասը դատի է տվել «Պորտուին» և պահանջում է 3,7 միլիոն եվրո
Լավատեսություն մնում է, չնայած, որ արմատական տեղաշարժեր չկան. Զախարովան՝ ԼՂ հիմնախնդրի մասին
Քաղաքականություն
04.06.2020 | 21:40
Ռուսաստանը պատրաստ է կառուցողական ներդրում անել ԼՂ հակամարտության կարգավորման բանակցային գործընթացում. այս մասին իր ամենշաբաթյա բրիֆինգի ընթացքում նշել է ՌԴ արտաքին գործերի նախարարության պաշտոնական ներկայացուցիչ Մարիա Զախարովան։
«Մենք հանդես ենք գալիս այդ ձգձգվող, երկարատև ճգնաժամի բանակցային ճանապարհով քաղաքական լուծման օգտին։ Եվ կանենք հնարավորը, որպես հարևան պետություն, որպես երկիր, որին միավորում է երկարատև բարեկամության, փոխգործակցության և համագործակցության պատմությունը այդ երկրների հետ, որպեսզի բերենք մեր կառուցողական ներդրումը»,- ասել է Զախարովան։
Նա նաև ընդգծել է Ռուսաստանի դերը որպես համանախագահի, որը մասնակցում է Մինսկի խմբի աշխատանքներին։
«Չնայած որևէ արմատական տեղաշարժեր չկան, բայց կարող եմ հաստատել, որ լավատեսություն մնում է»,- նշել է նա։
