20.04.2026 | 15:19
Ադրբեջանը Բաքու-Թբիլիսի-Ջեյհան խողովակաշարի վրա իրանական հարձակում է կանխել. Մոսադ
ԱԺ-ն առաջին ընթերցմամբ ընդունեց Ոստիկանության բարեփոխումների նախագիծը. ՏԵՍԱՆՅՈՒԹ
Քաղաքականություն
01.06.2020 | 10:41
Ազգային ժողովն առաջին ընթերցմամբ ընդունեց Կառավարության կողմից ներկայացված «Ոստիկանության մասին» օրենքում փոփոխություններ և լրացումներ կատարելու մասին և կից ներկայացված օրինագծի փաթեթը, որով առաջարկվում են բարեփոխումներ Ոստիկանության ոլորտում։ Ըստ նախագծի՝ կստեղծվի պարեկային ծառայություն, որը նախ կներդրվի Երևանում, ապա՝ մարզերում։
Ըստ արդարադատության փոխնախարար Քրիստինե Գրիգորյանի՝ այս ծառայությունն իր մոտեցմամբ էապես տարբերվելու է և փոխարինելու է ներկայում գործող 2 արտաքին ծառայություններին․ Ճանապարհային ոստիկանությունն և պարեկապահակակետային ծառայությունը։
Ոստիկանության հետ սահմանվում են պարեկային ծառայության ստեղծման իրավական հիմքերը՝ ծառայողների պաշտոնները, նրանց ներկայացվող պահանջները, համալրման համար անցկացվող մրցույթը, ինչպես նաև Ոստիկանության ուսումնական հաստատությունում նրանց կրթությանը վերաբերող դրույթները։
Նախագծով՝ Ոստիկանությունում ծառայելու կրթական ցենզը հանվել է, այսինքն՝ միջնակարգ կրթությամբ ցանկացած անձ կարող է դիմել պարեկային ոստիկան դառնալու համար։ Փոխվել է նաև ոստիկանական ծառայող դառնալու տարիքային առավելագույն շեմը՝ 30-ից դառնալով 35: Նախագիծը ստացավ 111 կողմ ձայներ։
Այն կքննարկվի հատուկ ընթացակարգով։
