17.06.2026 | 01:30
ԱԱ-2026․ Ֆրանսիան մեկնարկեց հաղթանակով, Մբապեի դուբլը. ՏԵՍԱՆՅՈՒԹ
Կողաշրջված բեռնատարը միակողմանի փակել է Առինջ գյուղի ճանապարհը
24.05.2020 | 14:44
ՀՀ արտակարգ իրավիճակների նախարարության Փրկարար ծառայության ճգնաժամային կառավարման ազգային կենտրոնը մայիսի 24-ին, ժամը 10:49-ին ահազանգ է ստացել, որ Կոտայքի մարզի Առինջ գյուղում՝ «Փայլ» ռեստորանային համալիրի մոտակայքում, տեղի է ունեցել ՃՏՊ:
Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական ջոկատը:
Ինչպես տեղեկացրին ՀՀ ԱԻՆ տեղեկատվության և հասարակայնության հետ կապերի վարչությունից, պարզվել է, որ բախվել են «ԿամԱԶ» (վարորդ՝ Արտակ Կ․, ծնված 1993 թ․) և «Opel Astra» (վարորդ՝ Մուրադ Ա․, ծնված 1965 թ․) մակնիշների ավտոմեքենաները, ինչի հետևանքով «ԿամԱԶ» մակնիշի ավտոմեքենան (խճաքարով բեռնված) կողաշրջվել է՝ ավտոճանապարհը դարձնելով միակողմանի երթևեկելի։
Փրկարարները հոսանքազրկել են ավտոմեքենաները, փակել «Opel Astra» մակնիշի ավտոմեքենայի գազի բալոնի փականը և իրականացրել ավտոճանապարհի լվացման աշխատանքներ։
