09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ՀԾԿՀ-ում գազի թանկացման հայտի շուրջ քննարկումները դեռ շարունակվում են
Տնտեսություն
20.05.2020 | 18:03
Հանրային ծառայությունները կարգավորող հանձնաժողովը (ՀԾԿՀ) դեռևս չի հստակեցնում, թե երբ կհրապարակի «Գազպրոմ Արմենիա»-ի՝ գազի սակագինը հայաստանցի սպառողների համար բարձրացնելու հայտի վերաբերյալ որոշումը:
«Քննարկումները դեռևս շարունակվում են»,- Factor.am-ին փոխանցեց ՀԾԿՀ-ի մամուլի քարտուղար Լիանա Ազիզյանը։
Հիշեցնենք, որ ռուսական գազամատակարար ընկերությունը գազի սակագինը թանկացնելու հայտով ՀԾԿՀ-ին է դիմել այս տարվա ապրիլի սկզբին։ Ուսումնասիրությունների համար հանձնաժողովն ունի 80 օր ժամանակ, այսինքն՝ վերջնական որոշումը կհրապարակվի առաջիկա 30 օրերի ընթացքում։ Վերջնական հաշվարկները կտեղադրվեն ՀԾԿՀ պաշտոնական կայքում։
Մինչ այդ, հանձնաժողովը նաև հանրային քննարկում է հրավիրելու այս թեմայով։ Օրը դեռ հստակեցված չէ։ Իսկ գազի հնարավոր նոր սակագինը ուժի մեջ կմտնի որոշման ընդունումից 30 օր հետո։
Հիշեցնենք, որ «Գազպրոմ Արմենիա»-ն շուրջ 11%-ով գազի թանկացման հայտ է ներկայացրել ՀԾԿՀ։ Իր հերթին, ՀՀ փոխվարչապետ Մհերի Գրիգորյանը դիմել է ռուսական «Գազպրոմ»-ին՝ գազի գնի շուրջ բանակցություններ սկսելու նպատակով։
Ռուսական գազի գինը Հայաստանի սահմանին 2019 թվականի հունվարից 165 դոլար է՝ 1000 խ.մ.-ի համար։ Սպառողներին գազը հասնում է 285 դոլարով։
Ռոբերտ Անանյան
