26.04.2026 | 13:50
Պլանային ջրանջատում Սյունիքում
Բաց տարածքում դիմակ կրել պետք չէ, 100․000 տուգանք վճարածների գումարները կվերադարձվեն․Նաիրա Զոհրաբյան. ՏԵՍԱՆՅՈՒԹ
20.05.2020 | 16:28
Բաց տարածքներում դիմակ կրելու կարիք չկա, սակայն անձն իր հետ պետք է պարտադիր ունենա դիմակ։ Այսօր ֆեյսբուքյան ուղիղ եթերի միջոցով ասաց ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը՝ պարզաբանելով պարետի որոշումները։
Պատգամավորը նշեց, որ փակ տարածքներում դիմակ կրելը պարտադիր է, այդ իսկ պատճառով անձն իր հետ պետք է ունենա դիմակ՝ փակ տարածք մտնելիս այն կրելու համար։ Զոհրաբյանը նաև հիշեցրեց, որ տուգանքների մեղմացման օրենքը նաև հետադարձ ուժ է ստացել:
«Ովքեր տուգանվել են իրազեկման թերթիկ չունենալու համար՝ 10-250 հազար դրամ, այդ բոլոր տուգանքները ևս դառնում են 10 հազար դրամ՝ բացառությամբ ինքնամեկուսացման կարգը խախտած անձանց»,- նշեց Զոհրաբյանը՝ ընդգծելով, որ արդեն իսկ վճարած քաղաքացիներին հետ կվերադարձվի 10 հազար դրամից ավելի վճարածը։
Մանրամասները՝ տեսանյութում:
