18.05.2026 | 13:11
Միջազգային հյուրերը՝ ջրում. Բաքվում հեղեղն ու անձրևը խաթարել են ՄԱԿ-ի WUF-13 ֆորումի բացումը. ՏԵՍԱՆՅՈՒԹ
«Էրեբունու» ծննդատանը վարակակիրներ կա՞ն. ԲԿ-ից հերքում են
18.05.2020 | 21:19
Factor.am-ի տեղեկություններով՝ «Էրեբունի» բժշկական կենտրոնի ծննդատան աշխատակիցներից մի քանիսի մոտ կորոնավիրուս է հաստատվել: Տեղեկության վերաբերյալ պարզաբանում խնդրեցինք բուժկենտրոնի ծննդօգնության գծով փոխտնօրեն Անդրանիկ Պողոսյանից:
Նա ասաց, որ վարակված աշխատակիցներ չունեն: Մեր աղբյուրները, սակայն, հայտնում են առնվազն երկու վարակված մանկաբարձի մասին: Ի դեպ՝ սա առաջին դեպքը չէ, երբ Factor.am-ին «Էրեբունի» ԲԿ-ի աշխատակազմում վարակակիրների վերաբերյալ տեղեկություն են փոխանցում, իսկ ղեկավար կազմից համառորեն հերքում են:
Հիշեցնենք՝ ապրիլի 27-ին գրել էինք, որ հիվանդանոցի ավելի քան երկու տասնյակ աշխատակիցների մոտ կորոնավիրուս է արձանագրվել: Ավելի վաղ էլ գրել էինք, որ «Էրեբունի» ԲԿ-ից պացիենտ է տեղափոխվել Ֆանարջյանի անվան ուռուցքաբանության ազգային կենտրոն, որտեղ նրա մոտ հաստատվել է կորոնավիրուս։
Ի դեպ՝ Առողջապահության նախարարությունն էլ իր հերթին առանձին դեպքերի մասով տեղեկություն չի տրամադրում:
Նարեկ Կիրակոսյան
