20.02.2026 | 20:13
Մյունխենում Ալիևներին հարց ուղղած ադրբեջանցի լրագրողն իր դեմ հարձակման մասին է հայտարարել
«Դաշտը Լֆիկ Սամոյի և Դոն Պիպոյի ձեռքում է»․ հրապարակվեց Արսեն Թորոսյանի և Դավիթ Սանասարյանի միջև նամակագրությունը
Հասարակություն
18.05.2020 | 14:47
Երևանի ընդհանուր իրավասության դատարանում դատավոր Դավիթ Բալայանի նախագահությամբ ուսումնասիրվում են ՊՎԾ լիազորությունները ժամանակավորապես կասեցված պետ Դավիթ Սանասարյանի և մյուսների գործով գրավոր ապացույցները։ Այսօր ուսումնասիրվեց նաև Դավիթ Սանասարյանի և Արսեն Թորոսյանի միջև տեղի ունեցած ֆեյսբուքյան նամակագրությունը։
Փետրվարի 1-ին առողջապահության նախարար Արսեն Թորոսյանը ֆեյսբուքյան էջով նամակ է գրել ՊՎԾ լիազորությունները դեռևս չկասեցված պետ Դավիթ Սանասարյանին, որտեղ խոսվում է հեմոդիալիզի սարքերի մասին։
Արսեն Թորոսյանը նամակում նշում է, թե անթույլատրելի է Սանասարյանի աշխատակիցների կողմից հեմոդիալիզի սարքերի չափանիշների գնման փոփոխությունը։ Թորոսյանը նշել է, թե ՊՎԾ աշխատակիցները փորձում են միլիոնավոր բնութագրեր փոփոխել, որպեսզի կարողանան իրենք մասնակցել մրցույթին և հաղթել։ Ի պատասխան այս նամակին Սանասարյանն ասում է, որ հեմոդիալիզի ոլորտում մոտոնոպոլիա է եղել և իրենք փորձել են մրցակություն մտցնել այդ շուկա։ Սանասարյանը նշում է, որ սա առաջին ոչ խտրական մրցույթն է և որ այս փոփոխության արդյունքում հնարավոր կլինի նաև գումար խնայել, նա նաև նշել է, որ գնման գործընթացներում չարաշահումների մասով իրենք հանցագործության մասին հաղորդում են ներկայացնելու։
Թորոսյանը գրել է Սանասարյանին, որ անկախ ընկեր լինելուց այստեղ կարևոր է մարդկանց կյանքը և ոչ թե գնումների «ախմախ» օրենքը։ Թորոսյանը նշել է, թե նախարարությունն ամեն ինչ անում է այդ մասով, մինչև անգամ փորձում են ելք գտնել, որպեսզի երիկամի փոխպատվաստում իրականացնեն, որպեսզի դիալիզի կարիք չլինի և նոր դիալիզի սարքեր են ձեռք բերել։
Սանասարյանն ի պատասխան սրան գրել է, որ շուկայում մոնոպոլիա կա, որը երկու անձի ձեռքում է՝ Դոն Պիպոյի և Լֆիկ Սամոյի։
Մանրամասները՝ տեսանյութում։
Լիլիթ Շաբոյան
