21.08.2026 | 12:10
Պապիկյանը դիրքեր է այցելել // ՀՀ-ն երրորդ երկրի է դիմել հայ գերիներին այցելելու հարցով․ ԼՈՒՐԵՐ
«Փաստաբանների նկատմամբ 100.000 դրամ տուգանք կիրառելու դրույթը չի վերանայվի». Դավիթ Հարությունյան
Քաղաքականություն
15.11.2017 | 14:00
Արդարադատության նախարար Դավիթ Հարությունյանի պնդմամբ՝ որևէ հիմնավորում չկա փաստաբանների նկատմամբ հնարավոր տուգանքների մասին դրույթը փոփոխելու համար:
Հիշեցնենք՝ նոր Դատական օրենսգրքի նախագծով փաստաբանների ու դատախազների նկատմամբ որպես սանկցիա կարող է կիրառվել նաև տուգանք մինչև 100 հազար դրամի չափով: Այս փոփոխությունը հարուցել է փաստաբանների դժգոհությունը:
Factor.am-ի հարցին՝ փաստաբանների փաստարկները հիմնավոր չի՞ համարում այն փոփոխելու համար, արդարադատության նախարարն ասաց. «Այդ փաստարկները հիմնավոր չեն, ավելին՝ կարծում եմ՝ արժի, որ ուսումնասիրեն նաև այլ երկրների փորձը: Եվ վերջապես՝ այդ սանկցիան կիրառելի է ոչ միայն իրենց, այլև մյուս կողմի նկատմամբ»:
Մեր դիտարկմանը՝ փաստաբանները նշում են, որ այդպիսով կաշկանդվելու է իրենց աշխատանքը, նախարարը հակադարձեց. «Իրենց պետք է կաշկանդի սխալ պահելը դատարանում, սխալ պահելն ու ազատ աշխատելը տարբեր բաներ են: Դատարանի նկատմամբ անհարգալից վերաբերմունքը, դատական նիստի ընթացքը խաթարելը, սրանք ազատ աշխատանքի դրսևորումներ չեն: Միայն այն դեպքում, երբ փաստաբանը խախտում է կարգը, այդ դեպքում է կիրառելի սանկցիան»:
Մանրամասները՝ տեսանյութում:
Շողիկ Գալստյան
