09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ՎՏԲ ներխուժած անձին հայտնաբերելու ուղղությամբ միջոցառումներ են ձեռնարկվում. Զարզանդ Գաբրիելյան
Հասարակություն
11.05.2020 | 14:24
ՎՏԲ բանկի՝ Նոր Նորքի 9-րդ զանգվածի մասնաճյուղ ներխուժած զինված անձը փախուստի է դիմել: Իրավապահները միջոցառումներ են ձեռնարկում՝ նրան հայտնաբերելու ուղղությամբ:
«Դեպքի հանգամանքներն այս պահին ճշտվում են, ձեռնարկվում են միջոցառումներ՝ սպառնալիքներ հնչեցնողի անձը ճշտելու և նրան հայտնաբերելու ուղղությամբ»,- Factor.am-ի հետ զրույցում ասաց ՀՀ ոստիկանության ԶԼՄ-ների հետ կապի բաժնի պետ Զարզանդ Գաբրիելյանը:
Հիշեցնենք, որ առավոտյան ժամը 10։40-ի սահմաններում ահազանգ է ստացվել, որ անհայտ անձը ներխուժել է ՎՏԲ բանկի՝ մայրաքաղաքի Նոր Նորքի 9-րդ զանգվածի մասնաճյուղ, սպառնալիքներ հնչեցրել։
Հ.Գ. Նշենք, որ այս իրադարձությունից հետո՝ արդեն օրվա երկրորդ կեսին, ՎՏԲ-Հայաստան բանկի մամուլի ծառայությունը պարզաբանում տարածեց, որ Երևանի Վիլնյուսի փողոց 3/84 հասցեում գործող ՎՏԲ-Հայաստան Բանկի թիվ 21 մասնաճյուղում տեղի է ունեցել ոչ թե հարձակում, այլ միջադեպ, որը հրահրել է մասնաճյուղի այցելուներից մեկը: Մասնաճյուղի աշխատակիցները տեղեկացրել են ոստիկանությանը, ներկայում միջադեպի շուրջ համագործակցում են իրավապահ մարմինների հետ:
