28.03.2026 | 19:57
Սպասվում են տեղումներ. լեռնային գոտիներում՝ թաց ձյան, նախալեռնային և հովտային գոտիներում՝ անձրևի տեսքով
Ինձ ինչքան էլ խփեք, ես խոսելու եմ․ Մարուքյանի ելույթն ընդհատվեց․ ԱԺ նիստն ընդմիջվեց. ՏԵՍԱՆՅՈՒԹ
Քաղաքականություն
08.05.2020 | 10:44
Այսօր Ազգային ժողովում «Լուսավոր Հայաստան» խմբակցության պատգամավոր Էդմոն Մարուքյանի ելույթի ժամանակ ծեծկռտուք սկսվեց։ Տեղից արձագանքեց «Իմ քայլը» խմբակցության պատգամավոր Սասուն Միքայելյանը։
Մարուքյանը բարկացավ. «Պարո՛ն Միքայելյան, հոպար չեմ Ձեզ համար»: Դրանից հետո պատգամավորները մոտեցան և սկսեցին հարվածել միմյանց, ծեծկռտուք սկսվեց նախ Մարուքյանի և Միքայելյանի միջև, ինչին միացան մի շարք պատգամավորներ։
ԱԺ նախագահ Արարատ Միրզոյանը պատգամավորներին խնդրեց դահլիճից դուրս գալ, հետո վերադառնալ։ «Ինձ ինչքան էլ խփեք, մեկ է՝ խոսելու եմ»,- ասաց Մարուքյանը։
Դահլիճում, սակայն, իրավիճակը չէր հանդարտվում։ Սասուն Միքայելյանի՝ տեղից հնչած արտահայտություններին Մարուքյանը արձագանքեց. «Իմ վիզը կտրող չի ծնվել, հերիք ա ստեղ շմայսություն անես»:
ԱԺ նախագահ Արարատ Միրզոյանը ընդմիջում հայտարարեց։
Մանրամասները՝ տեսանյութում։
