10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Չենք գնալու բանակցության, ձեռքներս դողա․ ինչ-որ պետք է, էն էլ բանակցում ենք․ Փաշինյան. ՏԵՍԱՆՅՈՒԹ
Քաղաքականություն
06.05.2020 | 17:27
Ես չեմ ուզում, և չի լինելու այնպես, որ մեզ ինչ-որ ուժեր վախեցնեն, որ մենք գնանք բանակցային սեղանի շուրջ նստենք ու ձեռքներս դողա՝ վայ, հանկարծ, սխալ չփռշտանք, որ դա հանկարծ չդառնա պատմություն։ Այս մասին այսօր Ազգային ժողովում Կառավարության հետ հարցուպատասխանի ընթացքում նշեց ՀՀ վարչապետ Նիկոլ Փաշինյանը՝ անդրադառնալով արցախյան հակամարտության շուրջ բանակցություններին։
«Մենք ունենք մեր ժողովրդի լիազորությունը՝ բանակցել այդ հարցի շուրջ։ Եվ մենք այդ լիազորությունը և բոլոր հնարավոր դիվանագիտական հմտություններն օգտագործելու ենք բանակցային սեղանի շուրջ։ Եվ թող մեզ ոչ մեկ չասի՝ էդ ի՞նչ եք բանակցում։ Ինչ որ պետք է, էն էլ բանակցում ենք։ Եվ երբ կհամարենք, որ այդ բանակցության արդյունքում ունենք մի բանաձև, որը կարող ենք ներկայացնել Անվտանգության խորհրդին, Ազգային ժողովին, ժողովրդին և հանրությանը, կգանք և կներկայացնենք։ Ղարաբաղի հարցում կա մի շատ կարևոր բանաձև. քանի դեռ ամեն ինչ որոշված չէ, ոչ մի բան որոշված չէ»,- ասաց Փաշինյանը։
Մանրամասները՝ տեսանյութում։
