09.10.2026 | 14:44
Ռոնալդուի մայր. «Կրիշտիանուին չեն գնահատում այնքան, որքան պետք է»
Գուրգեն Խաչատրյանի անհետանալուց հետո «Բիլայնը» դադարեցնում է «Յուքոմ»-ի հետ առքուվաճառքի գործընթացը
Տնտեսություն
06.05.2020 | 13:45
«Վեոն Արմենիա» ընկերությունը, որը «Բիլայն» ապրանքանիշի ներկայացուցիչն է, դադարեցրել է «Գալաքսի» ընկերությունների խմբի մաս կազմող «Յուքոմ» ընկերության հետ առքուվաճառքի գործարքը: Այս մասին Factor.am-ին փոխանցում են «Վեոն Արմենիա» ընկերությունից:
Սակայն, ուշագրավ է, որ ՏՄՊՊՀ-ն առայժմ դիմում չի ստացել ընկերություններից գործարքը դադարեցնելու վերաբերյալ: Այս մասին Factor.am-ին ասացին կառույցի մամուլի բաժնից:
Հիշեցնենք՝ 2019 թվականի դեկտեմբերին հայտնի դարձավ, որ «Յուքոմ»-ը ցանկանում է գնել «Բիլայն» ապրանքանիշը: Իսկ ահա 2020 թվականին «Յուքոմի» շուրջ աղմկոտ գործընթացներ տեղի ունեցան: Նախ փոխվեց ընկերության գլխավոր տնօրենը, իսկ այժմ էլ հետախուզման մեջ է սեփականատերերից Գուրգեն Խաչատրյանը:
Դատարանը որոշել է նրան կալանավորել:
Հիշեցնենք, որ «Յուքոմ»-ի հիմնական բաժնետերերը անցած տարվա օգոստոսից կալանավորված ՊԵԿ նախկին նախագահ Գագիկ Խաչատրյանի ընտանիքի անդամներն են:
Նարեկ Կիրակոսյան
