05.08.2026 | 10:31
425 անձինք տեղափոխվել են ոստիկանություն, հայտնաբերվել են զենք-զինամթերք, թմրամիջոց և հետախուզվողներ. ՆԳՆ
ՀՀ դեսպանը հանդիպել է ԻԻՀ կապի և տեղեկատվական տեխնոլոգիաների նախարարի հետ
Տնտեսություն
13.11.2017 | 19:22
ԻԻՀ-ում ՀՀ դեսպան Արտաշես Թումանյանը և ԻԻՀ կապի և տեղեկատվական տեխնոլոգիաների նախարար Մոհամադ Ջավադ Ազարի Ջահրոմին նոյեմբերի 13-ին հանդիպում են ունեցել: Այս մասին տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից:
Դեսպան Թումանյանը նախ իր ցավակցությունն է հայտնել նախորդ օրն Իրանի արևմուտքում տեղի ունեցած ավերիչ երկրաշարժի զոհերի կապակցությամբ:
Զրուցակիցները քննարկել են հեռահաղորդակցության և տեղեկատվական տեխնոլոգիաների բնագավառում հայ-իրանական համագործակցության խնդիրները:
Հաշվի առնելով համատեղ իրականացվող ծրագրերը՝ կողմերը նշեցին, որ երկու երկրներն էլ ունեն մեծ ներուժ և համագործակցության լայն հնարավորություններ:
ՀՀ դեսպանն առաջարկել է քննարկել տեղեկատվական տեխնոլոգիաների ոլորտի հայկական և իրանական ընկերությունների մասնակցությամբ 2018թ. Թեհրանում գործարար համաժողով անցկացնելու հարցը:
Նախարար Ջահրոմիի կողմից վերը նշված առաջարկությունը հավանության է արժանացել և վերջինս պատրաստակամություն է հայտնել աջակցել դրա կազմակերպմանը:
