25.08.2026 | 18:51
Թրամփը հայտարարել է, որ Իրանը բախվում է «էպիկական մասշտաբների մարդասիրական ճգնաժամի»
Սերժ Սարգսյանի վերաբերյալ ինչ քրեական գործեր են քննվում
Հասարակություն
04.05.2020 | 20:43
Վերջերս լրատվականներից մեկը գրեց, թե երրորդ նախագահ Սերժ Սարգսյանին կաշառք ստանալու համար նոր մեղադրանք է առաջադրվել։ Այս տեղեկությունը նրա փաստաբանը հերքեց՝ նշելով, որ դա իրականությանը չի համապատասխանում։
Նշենք, որ Սերժ Սարգսյանը մեղադրվում է մոտ կես միլիարդ դրամ գումարի հափշտակության կատարումը կազմակերպելու համար։ Գործը դատարանում է։
Factor.am-ը փորձեց իրավապահ կառույցներից ճշտել, թե բացի այս գործից այլ ինչ քրեական գործերով է ներգրավված պաշտոնաթող նախագահը։
ՀՔԾ-ից ի պատասխան մեր հարցման ասացին, որ ՀՔԾ-ում քննվող քրեական գործերով Սերժ Սարգսյանը մեղադրյալի կամ կասկածյալի կարգավիճակ չունի։
Մենք գրավոր հարցմամբ դիմել էինք նաև ԱԱԾ՝ պարզելու, թե իրենց վարույթում Սերժ Սարգսյանի ենթադրյալ մասնակցությամբ ինչ քրեական գործեր են առկա և ինչ կարգավիճակ նա ունի։
Ի պատասխան մեր հարցման՝ ԱԱԾ-ից հայտնեցին, որ ապրիլի 11-ին Սերժ Սարգսյանը ԱԱԾ-ում հարցաքննվել է որպես վկա:
«Քննության այս փուլում նախնական քննության այլ տվյալների հրապարակումը գտնում ենք ոչ նպատակահարմար»,- ասված է պատասխանում։
Իսկ Գլխավոր դատախազությունից էլ մեզ ասացին, որ իրենց մոտ Ս. Սարգսյանին ենթադրաբար առնչվող վարույթներ կան, սակայն լրացուցիչ տեղեկատվություն չտրամադրեցին։
Լիլիթ Շաբոյան
