27.09.2026 | 22:23
Համաշխարհային օլիմպիադա. Հայաստանի հավաքականները երրորդն են A խմբում. ԼՈՒՍԱՆԿԱՐՆԵՐ
Միքայել Մինասյան VS Արթուր Վանեցյան. ինչու են Փաշինյանի գլխավոր հակառակորդները հակասում միմյանց. ԵզրաԿԱՑՈՒԹՅՈՒՆ
Քաղաքականություն
02.05.2020 | 23:58
Այսօր Սերժ Սարգսյանի փեսա Միքայել Մինասյանը հայտարարել է, որ 2019 թվականի փետրվարին ԱԱԾ տնօրեն Արթուր Վանեցյանն իրեն առաջարկել է սինվոլիկ գումար վճարել և ազատվել քրեական պատասխանատվությունից:
«Արթուր Վանեցյանը ներկայացավ ԱԱԾ տնօրեն, ասաց, որ լիազորված է խոսել Նիկոլ Փաշինյանի անունից: Ասաց՝ մենք ունենք քեզ հետևյալ առաջարկը. դու մուծվում ես սիմվոլիկ գումար, կքննարկենք, թե ուր՝ ինչ-որ հիմնադրամ կամ պետական հիմնադրամ, հստակ չձևակերպեց, որից հետո դու առաջիկա տարիներին երբեք Հայաստան չես գալիս, բոլոր այն մարդիկ, որոնք առնչվում են քեզ հետ, լսում են քո խոսքը, իրենք դադարում են պայքարել Նիկոլ Փաշինյանի դեմ, դու դառնում ես ապաքաղաքական մարդ, շարունակում ես ապրել Հայաստանից դուրս, բայց մենք պայմանավորվում ենք՝ բոլոր քրեական հետապնդումները դադարեցվում են, խոսքը գնում է հորս ու ընկերներիս մասին։ Մենք միանգամից դառնում ենք իրար չճանաչող լավ բարեկամներ»,- ասել է նա:
Ուշագրավ է, որ Արթուր Վանեցյանը 2019 թվականի սեպտեմբերին, երբ արդեն ԱԱԾ տնօրեն չէր, պնդում էր, որ Միքայել Մինասյանը պետք է օրենքի առջև պատասխան տա:
«Որևէ մեկը չփորձի ինձ կապել Միքայել Մինասյանի հետ, որովհետև Միքայել Մինասյանն ինձ համար մարդ է, որ պետք է շատ հարցերի պատասխան տա ՀՀ օրենքների առջև։ Կլինի քննություն, վարչապետը երեկ հայտարարեց, որ ընթանում է քննություն, և քննությունը պատասխան կտա՝ արդյո՞ք Միքայել Մինասյանը պետք է կանգնի օրենքի առջև, թե ոչ»,- Factor TV-ին տված հարցազրույցում ասել էր նա:
Իսկ ահա 2019-ի նոյեմբերին վարչապետ Նիկոլ Փաշինյանն Իտալիայում հայտարարել էր. «Վատիկանի պադվալներում պախկված կոռուպցիոներների վզներից բռնելու ենք, կանգնեցնենք դատարանի առջև»:
Մանրամասները՝ տեսանյութում:
Նարեկ Կիրակոսյան
