01.11.2024 | 23:19
Հրդեհ Գյումրու տներից մեկում
Մեր հայրենակիցներին պարզ լեզվով բացատրեք՝ ինչու է Մարուքյանի առաջարկը վտանգավոր. Զոլյան. ՏԵՍԱՆՅՈՒԹ
Քաղաքականություն
29.04.2020 | 12:53
Ազգային ժողովի արտահերթ նիստում քննարկվում է 2020 թվականի պետական բյուջեի մասին օրենքում փոփոխություն և լրացում կատարելու նախագիծը։
Օրինագիծը ներկայացնող ֆինանսների նախարար Ատոմ Ջանջուղազյանին հարց ուղղեց «Իմ քայլը» խմբակցության պատգամավոր Միքայել Զոլյանը. «Մեր քաղաքացիներից շատերը մասնագետ չեն, խնդրում եմ պարզ, մատչելի լեզվով բացատրեք մեր հայրենակիցներին, թե ինչո՞ւ պարոն Մարուքյանի առաջարկը տրամաբանական չէ, և ինչու է այն վտանգավոր»:
Ատոմ Ջանջուղազյանը ևս մեկ անգամ փորձեց բացատրել, թե ինչ մոտեցում ունի Կառավարությունը:
«Մենք ոչ մի անգամ, ըստ էության, չենք ասել, որ կա օժանդակության անհրաժեշտություն և չկան դրա համար միջոցներ։ Մենք այդպիսի բան չենք ասել: Հիմա դա գանձապետական մնացորդների հաշվից է, թե այլ հաշվից է, դա պարզ քաղաքացուն չպիտի հետաքրքրի: Սա ավելի շատ հետաքրքրում է մասնագիտական շրջանակներին, թե խոշոր հաշվով այս միջոցառումները ի՞նչ ազդեցություն կարող են ունենալ մակրոկայունության տեսակետից և այլն»,-նշեց Ջանջուղազյանը։
Մանրամասները՝ տեսանյութում։
