28.03.2026 | 19:57
Սպասվում են տեղումներ. լեռնային գոտիներում՝ թաց ձյան, նախալեռնային և հովտային գոտիներում՝ անձրևի տեսքով
Պետությունը և եկեղեցին անջատ են և չպետք է խառնվեն իրար գործերի. Արարատ Միրզոյան. ՏԵՍԱՆՅՈՒԹ
Քաղաքականություն
17.04.2020 | 15:11
Այսօր Ազգային ժողովում ԱԺ նախագահ Արարատ Միրզոյանը ճեպազրույցի ժամանակ խոսեց Ն․Ս․Օ․Տ․Տ․ Գարեգին Երկրորդ Ամենայն Հայոց կաթողիկոսի՝ ՀՀ երկրորդ նախագահ Ռոբերտ Քոչարյանի խափանման միջոցը փոփոխելու վերաբերյալ կարծիքի և դրա շուրջ քննադատությունների մասին:
Factor.am-ի հարցին, թե ընդունելի՞ է դա, Միրզոյանն ասաց. «Պետությունը և եկեղեցին անջատ են, և չպետք է խառնվեն մեկը մյուսի ներքին գործերին։ Միաժամանակ պետք է ասեմ, որ կաթողիկոսը ևս ՀՀ քաղաքացի է և ունի բոլոր այն իրավունքները, որոնք ունեն ՀՀ մյուս քաղաքացիները»:
Հարցին, թե թեման նույնիսկ քննադատվեց ԱԺ փոխնախագահ Ալեն Սիմոնյանի կողմից և արդյոք հարի՞ր է ԱԺ փոխնախագահին նման հարցով քննադատություններ հնչեցնելը, Միրզոյանը պատասխանեց: «Եթե սկսենք խոսել, թե ում ինչ է հարիր, շատ ասելիք կլինի: Այս պահին անհրաժեշտություն չեմ տեսնում լրացուցիչ որևէ բան ասել: Սա չի նշանակում, որ ասելիք չկա, պարզապես ցանկացած նոր բառ կարող է նոր երանգ հաղորդել այս փոխադարձ հայտարարություններին: Այս պահին դա մեր պետության ու ազգի համար օգուտ չի լինի: Ասելիք, իհարկե կա, վերաբերմունք, իհարկե կա, բայց չեմ ուզում ասել: Ուղիղ ու անկեղծ ասում եմ»,- ասաց Միրզոյանը։
Մանրամասները՝ տեսանյութում:
Մերի Մարտիրոսյան
