23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Առաջնագծի զինվորին հաց հասցնելու խնդիր կունենանք, եթե այս ճանապարհը չվերանորոգենք․Սերգեյ Բագրատյան. ՏԵՍԱՆՅՈՒԹ
Տնտեսություն
17.04.2020 | 11:19
Եթե, Աստված չանի, Խնձորուտում գործողություններ սկսվեն հակառակորդի կողմից, կա մի ճանապարհ, որով հնարավոր չէ որևէ զինտեխնիկա հասցնել առաջնագիծ։ Այսօր այս մասին հայտարարեց «Բարգավաճ Հայաստան» խմբակցության պատգամավոր Սերգեյ Բագրատյանը Ազգային ժողովի նիստում «ՀՀ-ի և վերակառուցման և զարգացման միջազգային բանկի միջև ստորագրված՝ կենսական նշանակության ճանապարհային ցանցի բարելավման ծրագրի երկրորդ լրացուցիչ ֆինանսավորման համար վարկային համաձայնագիրը վավերացնելու մասին» օրենքի նախագծի քննարկման ժամանակ։
«Զառիթափ-Խնձորուտ ճանապարհահատվածն իսկապես կենսական նշանակություն ունի. Խնձորտուտը սահմանապահ գյուղ է»,- նշեց պատգամավորը։
Տարածքային կառավարման և զարգացման նախարար Սուրեն Պապիկյանն իր ելույթում, ի պատասխան պատգամավորի մտահոգությունների, նշեց, որ այդ ճանապարհի խնդիրը դեռ նախորդ տարվանից կա և այս տարվա ցանկում ներառված է: «Մենք այս տարի արդեն կունենանք բարեկարգ ճանապարհ»,- նշեց Պապիկյանը։
Մանրամասները՝ տեսանյութում։
