Արգելել մարդկանց և տրանսպորտային միջոցների մուտքն ու ելքը. Արարատի մարզում խիստ սահմանափակումներ են կիրառվել

Պարետի որոշմամբ, Արարատի մարզում խիստ սահմանափակումներ են կիրառվել․ արգելվում է մարդկանց և տրանսպորտային միջոցների մուտքն ու ելքը։ Որոշումը հրապարակվել է ՀՀ կառավարոթյան պաշտոնական կայքում։

«Ղեկավարվելով «Հայաստանի Հանրապետությունում արտակարգ դրություն հայտարարելու մասին» Հայաստանի Հանրապետության կառավարության 2020թ-ի մարտի 16-ի թիվ 298-Ն որոշման հավելվածի 7-րդ կետով՝

1) Հայաստանի Հանրապետության Արարատի մազի Նորաշեն համայնքում կիրառել հետևյալ սահմանափակումները․

ա/ Համայնքի վարչական սահման մուտք գործելու և վարչական սահմաններից ելք կատարելու հատուկ ռեժիմ՝ արգելելով անձանց և տրանսպորտային միջոցների մուտքն ու ելքը՝ բացառությամբ առաջին անհրաժեշտության ապրանքների, պարագաների, աննդամթերքի, դեղորայքի ու վառելիքի մատակարարման․

բ/ Սույն կետի «ա» ենթակետով սահմանված Նորաշեն համայնք մուտք գործելու սահմանափակման համար բացառություն սահմանել մինչև 2020թ․-ի ապրիլի 15-ը՝ ժամը 24։00-ն, Նորաշեն համայնքում մշտական բնակության իրավունք ունեցող կամ փաստացի բնակվող անձանց մուտքը

գ/ հատուկ ռեժիմի իրականցումն ապահովելու նպատակով ՀՀ ազգային անվտանգության ծառայության և ՀՀ ոստիկանության կողմից սհամանված վայրերում տեղադրել հատուկ անցակետեր և զննման կետեր՝ Նորաշեն համայնքի վարչական տարածք թույլատրվող անձանց ու տրանսպորտային միջոցների զննումն իրականացնելու նպատակով․

2) Հ Հառողջապագության նախարար Արսեն Թորոսյանին, ՀՀ ազգային անվտանգության ծառայության պետ Էդուարդ Մարտիրոսյանին , ՀՀ ոստիկանության պետ Արման Սարգսյանին, Արարատի մարզպետ Գարիկ Սարգսյանին՝ ապահովել սույն որոշման իրականացումը․

3) Սույն որոշման ուժի մեջ է մտնելու հրապարակման պահին և գործում է մինչև 2020թ․-ի ապրիլի 18-ը՝ ժամը 25։59-ը»։

Հիշեցնենք, որ Հայաստանի Հանրապետությունում 2020 թվականի մարտի 16-ին հայտարարված արտակարգ դրության ժամկետը կառավարության որոշմամբ երկարաձգվել է (նախկինում գործում էր Մարտի 16-ից ապրիլի 14-ը) 2020 թվականի ապրիլի 14-ից ժամը 17:00-ից` 30 օրով՝ մինչև 2020 թվականի մայիսի 14-ը ժամը 17:00-ն ներառյալ ժամկետով: