01.07.2026 | 12:45
Պարոն Քոչարյանի պատճառով տապալվեց նախագիծը. Հայկ Սարգսյան․ ՏԵՍԱՆՅՈՒԹ
Որոշ ուժեր փորձում են ֆեյքերի միջոցով ձևավորել պսևդոժողովրդավարություն. Անդրանիկ Քոչարյան. ՏԵՍԱՆՅՈՒԹ
Քաղաքականություն
14.04.2020 | 18:39
Որոշ, իսկ ավելի շուտ՝ հանրահայտ քաղաքական ուժեր փորձում են Հայաստանում ձևավորել կեղծ հանրային օրակարգ։ Այսօր Ազգային ժողվում նման տեսակետ հայտնեց պաշտպանության ու անվտանգության հարցերի մշտական հանձնաժողովի նախագահ, «Իմ քայլը» խմբակցության պատգամավոր Անդրանիկ Քոչարյանը։
«Ֆեյքերի միջոցով տպագրում են հոդվածներ, ֆեյքերը դրանց արձագանքում են, իսկ սպասարկող մամուլն արտատպում է ու փորձում ձևավորել հանրային ֆեյք կարծիք։ Նրանք փորձում են ձևավորել վիրտուալ պսևդոժողովրդավարություն, որտեղ մարդուն փոխարինում է կեղծիքը։ Հաջորդիվ հայրենիքի ու զինվորի գաղափարն էլ տեղափոխվում է վիրտուալ, ոչ իրական դաշտ, իսկ արդյունքում ունենում ենք կեղծված արժեհամակարգ։ Ժողովրդավարության պայմաններում սա անթույլատրելի է, քանի որ ժողովրդի կամքն առաջնային է երկրի բոլոր ծրագրերն իրականություն դարձնելու և ապագայի հեռանկարը կերտելու գործում։ Իրական հայրենիքի, իրական մարդու և իրական զինվորի կերպարին զուգահեռ՝ ծնվում է արհեստական իրողություն, որը չունի ամուր հիմքեր և կփլուզվի առաջին իսկ հարվածից»,- մասնավորապես նշեց պատգամավորը։
Մանրամասները՝ տեսանյութում։
