01.11.2024 | 23:19
Հրդեհ Գյումրու տներից մեկում
Եթե ասեմ՝ զինվորի համազգեստը պղծողի ականջը պետք է ոլորել․ ինձ պիտի պատասխանատվության ենթարկե՞ն․ Գևորգ Պետրոսյան. ՏԵՍԱՆՅՈՒԹ
Հասարակություն
14.04.2020 | 12:25
Հրապարակային բռնության կոչ անելը և դա արդարացնելը նույնը չէ, և չպետք է դիտարկվի նույն հարթության վրա։ Նման տեսակետ հայտնեց «Բարգավաճ Հայաստան» խմբակցության պատգամավոր Գևորգ Պետրոսյանն այսօր Ազգային ժողովի նիստում Կառավարության ներկայացրած ՀՀ քրեական օրենսգրքում լրացում կատարելու մասին և ՀՀ քրեական դատավարության օրենսգրքում լրացում կատարելու մասին օրենքների նախագծերի փաթեթի քննարկման ժամանակ։
«Եվ հետո, արդարացնելն ի՞նչ օբյեկտիվ գործողություններով պետք է դրսևորվի, հրապարակային, եթե մեկը գրել է այսինչին պետք է ապտակել կամ պատժել, ես էլ լայքում եմ, սա բավարա՞ր է, որ ինձ քրեական պատասխանատվության ենթարկե՞ն։ Եվ մեկ էլ՝ օրենսդրությունը շարադրելիս, հիմք ընդունելով մարդու իրավունքների վերաբերյալ հանրաճանաչ իրավական ակտերի դրույթները, չպիտի մոռանանք, որ մենք հայ ենք, ունենք ազգային հոգեկերտվածք, մտածողություն։ Օրինակ՝ բոլորդ տեսել եք մի քանի օր առաջ ֆեյսբուքում տեղադրված զինվորի համազգեստը պղծող երկոտանու թռվռալը, հիմա, եթե զինվորի համազգեստը պղծելը, ես, ասենք, ասեմ՝ դրա ականջը պետք է ոլորել կամ պետք է պատժել, ինձ սրա համար պիտի պատասխանատվության ենթարկե՞ն»,- նշեց պատգամավորը։
Մանրամասները՝ տեսանյութում։
