17.10.2026 | 19:25
Հռոմի պապ Լևոն XIV-ը լքել է հիվանդանոցը՝ թոքի ուռուցքի հեռացման վիրահատությունից հետո
Եթե այս 30 օրը լրանա, կարո՞ղ է էլի 30 օրով երկարացնեք արտակարգ դրության ռեժիմը. Մարուքյան. ՏԵՍԱՆՅՈՒԹ
Քաղաքականություն
13.04.2020 | 17:03
Օրենքով մենք սպառել ենք հանրապետության ողջ տարածքով մեկ 30-օրյա ժամկետով արտակարգ դրության սահմանումը։ Այս մասին այսօր ԱԺ հատուկ նիստում հայտարարեց «Լուսավոր Հայաստան» խմբակցության ղեկավար Էդմոն Մարուքյանը։
«Մենք կարծում ենք, որ ըստ այս օրենքի՝ հնարավոր չէ երկարաձգել դա, սակայն դուք երկարաձգելու նախագիծ եք բերել ու մեկնաբանում եք այլ կերպ։ Հիմա, որ այս 30 օրը լրանա, կարո՞ղ եք՝ էլի 30 օր երկարացնեք»,- հարց ուղղեց պատգամավորը ՀՀ պարետ, փոխվարչապետ Տիգրան Ավինյանին։
«Եթե արտակարգ դրության ռեժիմը դեռևս չի լուծել այն խնդիրը, որի համար հայտարարված է եղել, շատ տրամաբանական է, որ հնարավորություն է տրվում 30 օրով հետաձգել»,- պատասխանեց Ավինյանը։
Պատգամավորի հաջորդ հարցը վերաբերում էր պարետի որոշումներին. «Պարետը, ըստ Ձեզ, իրավունք ունի՞ նորմատիվ իրավական ակտեր ընդունելու սահմանափակումներ մտցնել, թե՞ ոչ»:
Հիշեցնենք, որ Ազգային ժողովը հատուկ նիստում քննարկում է արտակարգ դրության ռեժիմը 30 օրով երկարաձգելու վերաբերյալ «Հայաստանի Հանրապետությունում 2020 թվականի մարտի 16-ին հայտարարված արտակարգ դրության ժամկետը երկարաձգելու և Հայաստանի Հանրապետության կառավարության 2020 թվականի մարտի 16-ի N 298-Ն որոշման մեջ փոփոխություններ և լրացում կատարելու» մասին նախագիծը։
Մանրամասները՝ տեսանյութում։
