Երեկ ՄԱԿ Գլխավոր ասամբլեան միաձայն բանաձև է ընդունել. նշելով համաճարակով պայմանավորված աննախադեպ հետևանքները՝ կազմակերպությունը կոչ է արել ուժեղացնել միջազգային համագործակցությունը՝ թուլացնելու ու հաղթահարելու կորոնավիրուսը. հաղորդում է usnews.com-ը:
Բանաձևով ՄԱԿ-ը վերահաստատում է միջազգային համագործակցության շրջանակներնում իր ստանձնած պարտավորություններն ու ՄԱԿ կառույցների առանցքային դերը կորոնավիրուսի պանդեմիայի դեմ տարվող պայքարում։
Առաջարկվում է, որ ՄԱԿ Գլխավոր քարտուղար Անտոնիո Գուտերեշը համակարգի անցկացվելիք համաշխարհային միջացառումները։
Բանաձևում նշվում են այն հսկայական վնասները, որոնք կորոնավիրուսի պատճառով կրում են աշխարհի բոլոր երկրների հասարակություններն ու տնտեսությունները, տուրիզմն ու առևտուրը, այն ավերիչ վնասները, որոնք վարակը հասցրել է մարդկանց կենսակերպին, առավել ևս երբ խոսքը գնում է ամենաաղքատ ու խոցելի խմբերի մասին։
Բանաձևում նաև ընդգծում է, որ պանդեմիայի պայքարի ժամանակ պետք է պահպանվեն մարդու իրավունքներն ու բացառվի խտրականության, ռասիզմի ու քսենոֆոբիայի որևէ դրսևորում։
