06.04.2026 | 23:30
Հրդեհ Թաիրով բնակավայրում. այրվել է ավտոմեքենա
ԱԺ-ն կրկին առաջին ընթերցմամբ ընդունեց զանգերը և տեղորոշումը ֆիքսելու վերաբերյալ օրինագիծը
Քաղաքականություն
31.03.2020 | 18:23
ԱԺ արտահերթ նիստում համաճարակով պայմանավորված արտակարգ դրության ժամանակ քաղաքացիների զանգերի և տեղաշարժի մասին տեղեկություններ հավաքագրելու վերաբերյալ օրինագծերի փաթեթը կրկին ընդունվեց առաջին ընթերցմամբ։
Հիշեցնենք, որ նախագիծը ԱԺ արտահերթ նիստում դրվել էր քննարկման, այն առաջին ընթերցմամբ ընդունվել էր, սակայն երկրորդ ընթերցման ժամանակ խորհրդարանական ընդդիմադիր խմբակցությունները չէին մասնակցել քվեարկությանը, իսկ իշխանական խմբակցության պատգամավորներից այդ պահին ԱԺ-ում ներկա էին 65-ը, իսկ քվորումի ապահովման համար անհրաժեշտ էր առնվազն 67 ձայն, ուստի նախագիծը չընդունվեց:
Ժամեր անց դարձյալ արտահերթ նիստ հրավիրվեց նախագիծը նորից քննարման դնելու նխատակով:
«Արտակարգ դրության իրավական ռեժիմի մասին» օրենքում և «Էլեկտրոնային հաղորդակցության մասին» օրենքում լրացումներ կատարելու մասին նախագծերի փաթեթին կողմ քվեարկեց 69 պատգամավոր դեմ 0, ձեռնպահ 1 պատգամավոր։
