01.04.2026 | 23:05
Էրդողանն Իսրայելին մեղադրել է Իրանի դեմ պատերազմի համար
«Մշակութային կանգառ». Հայաստանի պարարվեստի «Բարեկամություն» պետական համույթի մենահամերգը` Գյումրիում
Մշակույթ
03.11.2017 | 19:19
ՀՀ մշակույթի նախարարության «Մշակութային կանգառ» ծրագրի շրջանակում` ս. թ. նոյեմբերի 4-ին, ժամը 18:00-ին, Գյումրու Վ. Աճեմյանի անվան պետական դրամատիկական թատրոնում ելույթ կունենա վաստակավոր կոլեկտիվ Հայաստանի պարարվեստի «Բարեկամություն» պետական համույթը /գեղարվեստական ղեկավար՝ Հայաստանի Հանրապետության ժողովրդական արտիստ Նորայր Մեհրաբյան/:
Համերգը նվիրվում է հայկական պարարվեստի երախտավոր Վանուշ Խանամիրյանի 90-ամյակին:
«Մշակութային կանգառ» ծրագրի 405-րդ միջոցառումն իրականացնող «Բարեկամություն» պետական համույթը այս տարվա մարտ-ապրիլ ամիսներին հյուրախաղերով հանդես է եկել Արմավիրում, Էջմիածնում, Ստեփանավանում և Վանաձորում:
Հիշեցնենք, որ ՀՀ մշակույթի նախարարության «Մշակութային կանգառ» ծրագիրը մեկնարկել է ս. թ. հունվարի 26-ին: Ծրագրի շրջանակում, ՀՀ և ԱՀ 110 համայնքում ընդհանուր առմամբ կիրականացվի 426 միջոցառում` թատերահամերգային ծրագրեր, ցուցահանդեսներ, կինոցուցադրություններ:
