23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
ԱԱԾ տնօրենի և ոստիկանապետի նշանակման օրերը չեն փոխվել. վարչապետի խոսնակ
Քաղաքականություն
18.03.2020 | 14:24
Ազգային անվտանգության ծառայության տնօրենի և Ոստիկանապետի նշանակման օրերը չեն փոխվել: Այս մասին Factor.am-ն ասաց ՀՀ վարչապետի մամուլի խոսնակ Մանե Գևորգյանը:
Հիշեցնենք, որ վաղը՝ մարտի 19-ին, լրանում է ԱԱԾ տնօրենի պաշտոնակատարի և ոստիկանապետի պաշտոնակատարի օրենքով սահմանված ղեկավարման վեցամսյա վերջնաժամկետը: Նրանք նշանակվել էին 2019 թվականի սեպտեմբերի 19-ին: Մանե Գևորգյանն ասաց, որ կառավարությունն աշխատում է բնականոն և նշանակումները կլինեն:
Վարչապետի խոսնակը չմանրամասնեց՝ արդյո՞ք ԱԱԾ տնօրեն է նշանակվելու Էդուարդ Մարտիրոսյանը, իսկ ոստիկանապետ՝ Արման Սարգսյանը: Նրանք այս պահին ժամանակավորապես կատարում են ԱԱԾ տնօրենի և ոստիկանապետի պաշտոնակատարի պարտականությունները:
Նշենք, որ վարչապետի առաջարկությամբ ԱԱԾ տնօրեն և ոստիկանապետ նշանակում է ՀՀ նախագահը: Նախագահի աշխատակազմից մեզ փոխանցեցին, որ դեռ առաջարկությունները չեն ստացել:
Նարեկ Կիրակոսյան
