Մշակույթ
17.03.2020 | 22:38
Հյուսիսային Օսիայի մայրաքաղաք Վլադիկավկազում կբացվի հայկական ծագումով հայտնի թատերական ռեժիսոր Եվգենի Վախթանգովի տուն-թանգարանը: Այս մասին գրում է e-vesti.ru-ն:
«Վլադիկավկազի պատմական կենտրոնում՝ Հայկական փողոցի երկհարկանի առանձնատանը, որտեղ ծնվել և մեծացել է հայտնի թատերական գործիչը, 20201 թվականին նրա անունը կրող տուն-թանգարան կբացվի»,- ասել է Վախթանգովի անվան մոսկովյան թատրոնի տնօրեն Կիրիլ Կրոկը:
Տան առաջին հարկում, որտեղ Վախթանգովն անցկացրել է կյանքի առաջին 20 տարիները, գործել է նրա հոր՝ Բագրատիոն Վախթանգովի խանութը:
Հարյուր տարվա ընթացքում տունը վերածվել է հանրակացարանի, հիմա այն փլուզման եզրին է: Շենքը վերականգնելուց հետո բնակիչներին կապահովեն այլ բնակարաններով, իսկ տունը կվերածվի Մոսկվայից բերված ցուցանմուշներով մշակութային կենտրոնի՝ թատերասրահով:
