24.04.2026 | 15:21
Հայոց ցեղասպանության 111-րդ տարելիցին հարգանքի տուրք ենք մատուցում 1,5 միլիոն զոհերի հիշատակին. Հունաստանի նախագահ
Ոչ մի արտառոց բան չունենք, համեցե՛ք Ծաղկաձոր. Ռոմանոս Պետրոսյան
Հասարակություն
10.03.2020 | 12:39
Ծաղկաձորում արևային, ջերմ եղանակ է, տուրիստները բավական շատ են: Այսօր լրագրողների հետ հանդիպմանն անդրադառնալով կորոնավիրուսի հետ կապված հանգստավայրային քաղաքում տիրող իրավիճակին՝ վստահեցրեց Կոտայքի մարզպետ Ռոմանոս Պետրոսյանը:
«Երեկ երեկոյան եմ շրջել քաղաքում, հյուրանոցներում բավական շատ ամրագրումներ են եղել կանանց տոնին: Կարող եմ ասել, որ առաջին օրը, այդ մի փոքրիկ խուճապային տրամադրությունները որ ունեցանք, լիարժեք կասեցվեցին, չեզոքացվեցին: Այս պահին Ծաղկաձորն իր բնականոն կյանքով ապրում է»,- ասաց մարզպետը:
Պետրոսյանն ասաց՝ Ծաղկաձորի քաղաքապետը Մարտի 8-ին ծաղիկներով գնացել է «Գոլդեն Փելես» և շնորհավորել կարանտինում գտնվող կանանց տոնը:
«Որևէ արտառոց բան չունենք Ծաղկաձորում, այնպես որ՝ համեցեք Ծաղկաձոր»,- ասաց Ռոմանոս Պետրոսյանը:
Հիշեցնենք, որ մարտի 1-ին Հայաստանում հաստատվեց նոր տեսակի կորոնավիրուսով վարակման առաջին դեպքը։ Վարակակիրն Իրանից հատուկ չվերթով ժամանած Հայաստանի քաղաքացի էր։ Օդանավում նրա հետ շփում ունեցած անձանց նույն օրը մեկուսացրին Ծաղկաձորի «Գոլդեն փելես» հյուրանոցում։ Ընդհանուր թվով մեկուսացվեց 31 անձ։
