Քաղաքականություն
05.03.2020 | 14:19Խորհրդարանական մշակույթում չկա նման բան, որ խորհրդարանը դարձնենք ֆեյսբուք։ Օրինակ՝ ֆեյսբուքում մեկը մի բան է գրում, մեկն էլ հաջորդ օրն այդ ֆեյսբուքում գրածին ամբիոնից պատասխանում է։ Սա խորհրդարանն անլրջացնելու ամենավերջին տարբերակն է, էլ տարբերակ չկա։ Այս մասին այսօր լրագրողների հետ զրույցում նշեց ԱԺ «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով ԱԺ «Իմ քայլը» խմբակցության պատգամավոր Գևորգ Պապոյանի այն հայտարարությանը, թե Սերժ Սարգսյանի ղեկավարման տարիներին մեծամասնական ընտրակարգտով պատգամավոր էր ընտրվում և «հաղթում» իշխանության թեկնածուին։
«Մարդը հանրապետական է եղել, փոխանակ հպարտանա, քանի որ հպարտ հանրապետական է եղել, ասում է՝ վայ, չէ, ես առաքիչ եմ եղել։ Մենք ասում ենք՝ եղբայր, մենք նախկիններին չենք աջակցում, բայց այ դու նախկին ես։ Իրենք նախկին են, եկել մեզ ասում են՝ դուք նախկիններին եք աջակցում։ Ձեր միջի նախկիններին գտեք, ձեր միջի Հրայր Թովմասյան ընտրողների հետ խոսեք»,- ասաց Մարուքյանը։
Անդրադառնալով Էջմիածնի Մաշտոց-Անդրանիկ Օզանյան փողոցների խաչմերուկում հայտնված գերեզմանաթմբին, որը, բնակիչների խոսքով, «Ոչ»-ի շտաբի թաղման համար է, Էդմոն Մարուքյանն ասաց:
«Մեզանից նեղացել են, որ մինչև հիմա «Ոչ»-ի շտաբ չենք բացել։ Մեկ էլ տեսնում ենք՝ Էջմիածնում այս քանի օրը «Ոչ»-ի թաղում են արել։ Հարց․ սա ատելության գործողությու՞ն է, թե՝ ոչ։ Էդ որ թաղում եք անում, չե՞ք մտածում, որ այդ թաղումը հետևանք է ունենալու։ Ես թաղում անողին բան չունեմ ասելու։ Թող թաղումներով զբաղվի, վաղը մյուս օր էլ՝ պատասխան կտա»,- ասաց Մարուքյանը։
Մանրամասները՝ տեսանյութում։
Նելլի Մելքոնյան
