23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
«Պետք է հասնենք մի վիճակի, որ հաջողություններից խոսի հասարակությունը, ոչ թե իշխանությունը»․տնտեսագետ. ՏԵՍԱՆՅՈՒԹ
Տնտեսություն
28.02.2020 | 14:53
Մեր երկրում պետք է հասնենք մի վիճակի, որ հաջողությունների մասին խոսի հասարակությունը։ Իսկ իշխանությունը, իմ կարծիքով, մշտապես պետք է խոսի այն անհանգստությունների ու խնդիրներ մասին, որոնք առաջիկայում լուծելու է՝ հաջողություններն ամրագրելու համար։ Այս մասին այսօր՝ «Հայաստանի տնտեսությունը. 2019-ի արդյունքները և 2020-ի մարտահրավերները» թեմայով քննարկմանը նշեց տնտեսագետ Բագրատ Ասատրյանը։
«2019-ը մեր տնտեսական պատմության հաջողված էջերից մեկն է։ Իմ համոզմամբ՝ անցյալ տարվա տնտեսական զարգացումների մեջ մեծ մասնաբաժին ունի հասարակությունը։ Անցյալ տարի 1-2 համակարգային փոփոխություններ, ինստիտուցիոնալ տեղաշարժեր, բացի խոստումներից, չեղան։ Ունենք 7․6% տնտեսական աճ և այդտեղ առաջնային զարգացում ապրել են այն ոլորտները, որտեղ հասարակության մասնակցությունն ավելի մեծ է»,- ասաց տնտեսագետը։
Անդրադառնալով գյուղատնտեսությանը, Բագրատ Ասատրյանը մտահոգություն հայտնեց․ «Գյուղատնտեսությունը դեռևս չի արտացոլում այն իրականությունը, ինչ ունենք։ Ժամանակին ներկայացվող ցուցանիշները կեղծարարության արդյունք են եղել։ Գյուղատնտեսությունը մեզ մոտ մնացորդային բնույթ է կրում։ Այստեղ խոսել զարգացման, ժամանակակից տեխնոլոգիաների մասին, անիմաստ է, անհնար։ Մենք 17-րդ դարից շատ քիչ ենք տարբերվում»։
Մանրամասները՝ տեսանյութում։
Նելլի Մելքոնյան
