01.05.2026 | 09:36
Աշխատում է քաղաքացին՝ զարգանում է տնտեսությունը՝ ապահովելով պետության առաջընթացը․ Ալեն Սիմոնյան
Արարատի մարզում տարիներ շարունակ 100-ավոր մարդիկ նպաստ են ստացել՝ խանութ, լավ տուն ունենալով հանդերձ․ Գարիկ Սարգսյան
Հասարակություն
26.02.2020 | 12:55
«2019 թվականը Արարատի մարզի համար բարեհաջող է եղել՝ սուբվենցիոն ծրագրերի իրականացման, ճանապարհաշինության, գյուղատնտեսության ոլորտներում գրանցած հաջողությունների առումով: 2018 թվականին իրականացրել ենք ընդամենը 4 սուբվենցիոն ծրագիր, իսկ 2019-ին՝ ներկայացրել ենք 80 հայտ, որից հաստատվել են 59-ը: Ցավոք, դրանցից մեկը՝ Այնթապի մշակույթի տան կառուցումը, կիսատ մնաց: 58 սուբվենցիոն ծրագրի մի մասը դեռևս ընթացքի մեջ է եղանակային պայմանների պատճառով: Կատարված ասֆալտապատման աշխատանքները գնահատվել են ոչ բավարար, սակայն մենք ընդառաջ ենք գնացել շինարարներին և թույլ տվել, որպեսզի մինչև 2020 թվականի օգոստոս ամիսը շտկեն իրենց թերությունները»,- այսօր լրագրողների հետ հանդիպմանը ներկայացնելով վերջին մեկ տարում մարզում կատարված աշխատանքները, ասաց Արարատի մարզպետ Գարիկ Սարգսյանը։
Մարզպետը նաև ուշագրավ հայտարարություն արեց, ասելով, որ Արարատի մարզում տարիներ շարունակ հարյուրավոր մարդիկ սոցիալական նպաստ են ստացել՝ դրա կարիքը չունենալով։
Միևնույն ժամանակ, Սարգսյանի տեղեկացմամբ, եղել են նաև նպաստի կարիք ունեցող մարդիկ, որոնք ցուցակներից դուրս են մնացել․ «Փարոսակիրների ցուցակներն ենք մաքրել: Դրանցից հանվել են այն մարդիկ, որոնց մոտ փաստաթղթով ամեն ինչ կարգին է, բայց մարզում բոլորն էլ գիտեն, որ նա ունի խանութ, լավ տուն, մեքենա, բայց բոլորն իրենց անունով չեն»։
Լիլիթ Շաբոյան
