09.10.2026 | 10:30
Ալիևը հույս է հայտնել, որ Թրամփը Նոբելյան մրցանակի կարժանանա Հայաստանի ու Ադրբեջանի միջև խաղաղություն հաստատելու ջանքերի համար
«Շատ ուրախ եմ, ամեն մարդ պիտի պատասխան տա». առաջին արձագանքները՝ Սերժ Սարգսյանի առաջին դատական նիստին .ՏԵՍԱՆՅՈՒԹ
Քաղաքականություն
25.02.2020 | 21:26
Այսօր կայացավ ՀՀ երրորդ նախագահ Սերժ Սարգսյանի և մյուսների գործով առաջին դատական նիստը։
Հիշեցնենք՝ Սերժ Սարգսյանը մեղադրվում է մոտ կես միլիարդ դրամ գումարի հափշտակության կատարումը կազմակերպելու համար։ Դատարանի բակում նախկին նախագահին սատարելու էին եկել նրա ընկերները, նախկին հանրապետականներ ու բարձրաստիճան պաշտոնյաներ։
Սերժ Սարգսյանին դատարանի բակում դիմավորեցին ծափերով։ Երրորդ նախագահն առաջին անգամ բարձրախոսով դիմեց իր աջակիցներին․ «Շատ-շատ շնորհակալ եմ՝ հաշվի առնելով եղանակային պայմանները և այն հանգամանքը, որ հույս կա, որ Հայաստանում դեռևս կան դատավորներ, ում համար արդարադատությունը վեր է ամեն ինչից, ուղիղ այնպես, ինչպես ինձ և ձեզ համար ԼՂ անկախությունը վեր է ամեն ինչից։ Խնդրում եմ վերադառնալ տուն, զբաղվել ձեր առօրյա հոգսերով՝ երբեք չմոռանալով ՀՀ անվտանգության մասին»։
Դատական նիստի ընթացքում Սերժ Սարգսյանի փաստաբանները դատախազ Արսեն Մարտիրոսյանին ինքնաբացարկի միջնորդություն ներկայացրին՝ նշելով, որ վերջինը կողմնակալություն է դրսևորում։ Դատավորը հեռացավ խորհրդակցական սենյակ՝ որոշում կայացնելու։
Թե ինչպիսին կլինի դատարանի որոշումը, հայտնի կդառնա վաղը՝ փետրվարի 26-ին։
Մինչ այդ՝ Factor.am-ը փորձեց պարզել՝ ինչպես են վերաբերվում Սերժ Սարգսյանին առաջադրված մեղադրանքին և ինչ ակնկալիքներ ունեն այսօր մեկնարկած դատական գործընթացից մեր քաղաքացիները։
Մանրամասները՝ տեսանյութում։
Նելլի Մելքոնյան
