01.07.2026 | 22:57
ԱԺ պատգամավորի երդման տեքստը կփոփոխվի․ օրենքի նախագիծը դրական եզրակացություն է ստացել
«Մյունխենյան սկզբունքները» համալրում են ՀՀ-ի՝ արդեն ձևավորված դիրքորոշումները. Զոհրաբ Մնացականյան. ՏԵՍԱՆՅՈՒԹ
Քաղաքականություն
24.02.2020 | 12:43
Վարչապետի կողմից արտահայտված «Մյունխենյան սկզբունքները» համապարփակ կերպով արտահայտում են այն, ինչի մասին խոսվեց Մյունխենում: Սլովակիայի պաշտոնակցի հետ այսօր հրավիրված համատեղ ասուլիսում այս մասին ասաց ՀՀ ԱԳ նախարար Զոհրաբ Մնացականյանը:
««Մյունխենյան սկզբունքների» մեջ չի արտահայտված որևէ բան, որը վերափոխում է մեր ձևավորած դիրքորոշումը, մոտեցումները Լեռնային Ղարաբաղի խաղաղ կարգավորման գործընթացի ընդհանուր փաթեթի մեջ: Դրանք համալրում են մեր այդ մոտեցումները»,- հավելեց նախարարը:
Նրա խոսքով՝ Հայաստանի դիրքորոշումը, որն արտահայտված է տարբեր ձևաչափերով, մնում է կայուն:
«Ինչ վերաբերում է նոր մոտեցումներին, Հայաստանը եղել և մնում է խստորեն հավատարիմ հարցի խաղաղ կարգավորմանը՝ Մինսկի խմբի համանախագահության շրջանակում, և այդ շրջանակում մենք շարունակելու ենք աշխատել այնպիսի լուծումների համար, որոնք, ինչպես վարչապետ Փաշինյանն արտահայտեց նաև «Մյունխենյան սկզբունքներում», ընդունելի են բոլոր կողմերի համար, բոլոր ժողովուրդների համար, որը նշանակում է փոխզզիջում: Իսկ փոխզիջումը նշանակում է ճանապարհ, որն ունի երկու ուղղություն, և միակողմանի զիջումների մասին որևէ խոսք երբևէ չի կարող լինել»,- ասաց Զոհրաբ Մնացականյանը:
Մանրամասները՝ տեսանյութում:
