31.08.2026 | 15:15
Վինուս Ուիլյամսը 15-րդ անընդմեջ պարտությունն է կրել. ՏԵՍԱՆՅՈՒԹ
Ինձ նման հարցեր մի տվեք. Լևոն Յոլյանը՝ Սերժ Սարգսյանի ընկերը լինելու և նրան աջակցելու մասին. ՏԵՍԱՆՅՈՒԹ
Քաղաքականություն
19.02.2020 | 14:48
Հաշվեքննիչ պալատի նախագահ Լևոն Յոլյանի հետ փոխկապակցված անձինք աշխատում են նրա ղեկավարած կառույցում: Մասնավորապես, աշխատակազմի ղեկավար Հայկ Ավագյանը նրա սանիկն է: Մամուլի հրապարակումների համաձայն՝ Հաշվեքննիչ պալատի մեթոդաբանության, վերլուծության և միջազգային կապերի վարչության պետի պաշտոնը զբաղեցնող Կարեն Առուստամյանն էլ Լևոն Յոլյանի ընկերոջ փեսան է, իսկ նրա մեկ այլ ազգակական Սամվել Յոլյանը զբաղեցնում է Հաշվեքննիչ պալատի 9-րդ վարչության պետի պաշտոնը:
Factor.am-ը Հաշվեքննիչ պալատի նախագահ Լևոն Յոլյանից հետաքրքրվեց, թե ինչպե՞ս է ստացվել, որ իր հետ փոխկապակցված անձինք աշխատում են իր ղեկավարած կառույցում: Նա նշեց, որ նշյալ անձինք կառույցում աշխատում են այն ժամանակահատվածից, երբ ինքը դեռ պալատի նախագահ չէր ընտրվել:
2017 թվականից Հաշվեքննիչ պալատի նախագահի պաշտոնը զբաղեցնող Լևոն Յոլյանը նախկին նախագահ Սերժ Սարգսյանի ընկերն է: Փետրվարի 25-ին, հիշեցնենք, նշանակված է Սերժ Սարգսյանի գործով առաջին դատական նիստը: Լևոն Յոլյանից հետաքրքրվեցինք՝ ինչպե՞ս է պատրաստվում աջակցել ընկերոջը:
«Խնդրում եմ՝ ինձ նման հարցեր մի տվեք: Ես վաղուց մանրամասն ներկայացրել եմ իմ անցած ուղին»,- ասաց նա և հրաժարվեց այլ հարցերի պատասխանել:
Մանրամասները՝ տեսանյութում:
Նարեկ Կիրակոսյան
