14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
«Ես վաղը կլինեմ Ազգային Ժողովում»․ Արարատ Զուրաբյան
Քաղաքականություն
17.05.2017 | 17:35
ԲՀԿ նախագահ Գագիկ Ծառուկյանին պատկանող կոնյակի գործարանում գրեթե երկու ժամ ընթացած փակ քննարկումից հետո նորընտիր պատգամավորները շտապում էին հեռանալ «կանյաչնիի» տարածքից՝ խուսափելով լրագրողների հարցերից։ Քննարկումից առաջինը դուրս եկավ նախկին ՀՀՇ-ական Արարատ Զուրաբյանը։
Հիշեցնենք, որ նա ևս այն պատգամավորների շարքում էր, ում ինքնաբացարկի դիմումը հայտնվել էր ԿԸՀ-ում, սակայն վերջինս հայտարարում էր, որ ինքնաբացարկի դիմում չի ներկայացրել։ Արարատ Զուրաբյանը միայն ասաց, որ խմբակցությունը քննարկում է իրականացրել խորհրդարանական աշխատանքի վերաբերյալ, սակայն, ըստ էության, հարցերին չպատասխանեց:
«Խմբակցությունն այսօր քննարկում է իրականացրել, որոշումներ կայացրել, կարծում եմ՝ խմբակցության պատասխանատուն կպատասխանի ձեր բոլոր հարցերին։ Ես վաղը կլինեմ Ազգայն Ժողովում»,- ասաց նա՝ այդպես էլ չհստակեցնելով, թե արդյոք Գագիկ Ծառուկյանն անդրադարձե՞լ է իրենց պատգամավորական մանդատների ինքնաբացարկների դիմումներին։
Սեդա Ղուկասյան
